గురువారం 04 మార్చి 2021
Sports - Feb 08, 2021 , 00:36:48

యువత ఆల్‌రౌండర్‌లా ఉండాలి

యువత ఆల్‌రౌండర్‌లా ఉండాలి

  • రాష్ట్ర ఆర్థిక మంత్రి తన్నీరు హరీశ్‌రావు
  • సీఎం కేసీఆర్‌ క్రికెట్‌ కప్‌ ప్రారంభం

సిద్దిపేట, ఫిబ్రవరి 7 (నమస్తే తెలంగాణ): చదువు, క్రీడలు, సామాజిక బాధ్యతలో చురుకుగా ఉంటూ యువతీ యువకులందరూ ఆల్‌రౌండర్లుగా ముందుకుసాగాలని రాష్ట్ర ఆర్థికశాఖ మంత్రి తన్నీరు హరీశ్‌రావు సూచించారు. యువతకు ముఖ్యమంత్రి కేసీఆర్‌ రోల్‌ మోడల్‌ అని, రాష్ర్టాన్ని ఆయన అన్ని విధాలుగా అభివృద్ధి చేస్తున్నారని చెప్పా రు. సీఎం కేసీఆర్‌ జన్మదినం (ఈ నెల 17) సందర్భంగా జిల్లా కేంద్రంలోని ఆచార్య జయశంకర్‌ స్టేడియంలో కేసీఆర్‌ క్రికెట్‌ కప్‌ టోర్నీని ఆదివారం మంత్రి హరీశ్‌రావు ప్రారంభించారు. జిల్లాపరిషత్‌ అధ్యక్షురాలు రోజాశర్మతో కలిసి ఆయన ట్రోఫీని ఆవిష్కరించారు. అనంతరం హరీశ్‌రావు మాట్లాడారు. నిబద్ధత, పట్టుదలతో పని చేస్తే ఎంతటి లక్ష్యాన్నైనా సాధించవచ్చని అన్నారు. టీమ్‌ఇండియా తరఫున అద్భుతంగా రాణిస్తున్న హైదరాబాదీ పేసర్‌ మహమ్మద్‌ సిరాజ్‌ గురించి ఆయన ప్రస్తావించారు. ఎన్నో కష్టాలను ఎదుర్కొని అతడు అంతర్జాతీయ స్థాయికి ఎదిగాడని, క్రీడలను సీరియస్‌గా తీసుకుంటే ఏం సాధించవచ్చో నిరూపించాడని మంత్రి గుర్తు చేశారు. సిద్దిపేటలో అత్యున్నత స్టేడియాన్ని ఏర్పాటు చేశామని, ఇది ఇక్కడి క్రీడాకారులకు మంచి అవకాశమన్నారు. ఈ టోర్నీలో రాణించే ప్లేయర్లను రాష్ట్రస్థాయి పోటీలకు పంపుతామని హరీశ్‌రావు అన్నారు. కేసీఆర్‌ క్రికెట్‌ కప్‌ టోర్నీ సోమవారం నుంచి పది రోజులు సాగనుంది. 

VIDEOS

logo