భారత్‌కు హ్యాట్సాఫ్‌

న్యూఢిల్లీ: ఆసీస్‌ గడ్డపై టీమ్‌ఇండియా టెస్టు సిరీస్‌ విజయం ఎప్పటికీ గుర్తుండిపోతుందని న్యూ జిలాండ్‌ కెప్టెన్‌ విలియమ్సన్‌ పేర్కొన్నాడు. భారత జట్టు ఎన్నో ప్రతికూలతల మధ్య చిరస్మరణీయ విజయం సాధించిందని ప్రశంసించా డు. ‘ఆస్ట్రేలియా గడ్డపై ఆడటం అంటే సవాలుతో కూడుకున్న విషయం. అలాంటిది ఎన్ని అడ్డంకులు ఎదురైనా.. టీమ్‌ఇండియా అక్కడ అద్భుత ప్రదర్శన చేసింది. గాయాలతో ప్రధాన ఆటగాళ్లు దూరమైనా సిరీస్‌ పట్టేసింది. టెస్టు చాంపియన్‌షిప్‌ పోటీలో నిలవడానికి గొప్పగా పోరాడింది. గబ్బాలో  జరిగిన చివరి టెస్టులో పెద్దగా అనుభవం లేని బౌలింగ్‌ దళంతో బరిలోకి దిగి గెలిచింది. ఆ విజయంతో భారతదేశమంతా గొప్ప అనుభూతి చెంది ఉంటుంది. కేవలం అభిమానులే కాదు, ఆటగాళ్లూ ఆ విజయాన్ని బాగా ఆస్వాదించి ఉంటారు’ అని విలియమ్సన్‌ అన్నాడు.