సోమవారం 08 మార్చి 2021
Sports - Jan 24, 2021 , 02:18:20

ఆదుకున్న రూట్‌

ఆదుకున్న రూట్‌

గాలే: కెప్టెన్‌ జో రూట్‌ (77 బంతుల్లో 67 బ్యాటింగ్‌) అజేయ అర్ధశతకంతో నిలువడంతో శ్రీలంకతో జరుగుతున్న రెండో టెస్టులో ఇంగ్లండ్‌ కోలుకుంది. 5 పరుగులకే 2 వికెట్లు కోల్పోయిన దశలో అతడు సత్తాచాటడంతో శనివారం రెండో రోజును ఇంగ్లిష్‌ జట్టు 98/2తో ముగించింది. రూట్‌తో పాటు జానీ బెయిర్‌స్టో (24) క్రీజులో ఉన్నాడు. లంక తొలి ఇన్నింగ్స్‌ స్కోరుకు ఇంగ్లిష్‌ జట్టు ఇంకా 283 పరుగుల దూరంలో ఉంది. అంతకుముందు 381 పరుగుల వద్ద శ్రీలంక ఆలౌటైంది. 229/4 ఓవర్‌నైట్‌ స్కోరు వద్ద ఏంజెలో మాథ్యూస్‌ (110), రమేశ్‌ మెండిస్‌ రెండో రోజు బ్యాటింగ్‌ను కొనసాగించగా.. 15 నిమిషాల్లోనూ ఇద్దరూ పెవిలియన్‌ చేరారు. ఆ తర్వాత నిరోషన్‌ డిక్వెలా (92) వేగంగా ఆడడం సహా చివర్లో దిల్‌రువాన్‌ పెరెరా (67) ఆకట్టుకోవడంతో లంక మంచి స్కోరు చేయగలిగింది. ఇంగ్లండ్‌ బౌలర్లలో జేమ్స్‌ ఆండర్సన్‌ ఆరు వికెట్లు, మార్క్‌వుడ్‌ 3 వికెట్లు పడగొట్టారు.

మెక్‌గ్రాత్‌ను అధిగమించిన అండర్సన్‌

లంక ఆటగాడు డిక్వెలాను ఔట్‌ చేయడం ద్వారా అండర్సన్‌ టెస్టుల్లో 30వ సారి ఐదు వికెట్లు తన ఖాతాలో వేసుకున్నాడు. ఈ జాబితాలో ఆసీస్‌ దిగ్గజం మెక్‌గ్రాత్‌ (29)ను వెనక్కినెట్టి ఆరో స్థానానికి చేరాడు. మురళీధరన్‌ (67), షేన్‌ వార్న్‌ (37), సర్‌ రిచర్డ్‌ హాడ్లీ (36), కుంబ్లే (35), హెరాత్‌ (34) అండర్సన్‌కంటే ముందున్నారు. 

VIDEOS

logo