ప్రకృతి వైపరీత్యాలు, ప్రమాదాల నుంచి రక్షణ
ఎవరికైనా సొంతిల్లు చాలా ముఖ్యమైనదే. అది ఓ పెద్ద పెట్టుబడి. ఎంతో ముఖ్యమైన ఈ ఆస్తిని వరదలు, భూకంపాల్లాంటి ప్రకృతి వైపరీత్యాలు, దోపిడీలు, దొంగతనాలు అల్లర్ల ల్లాంటి ఘటనల వల్ల ఎదురయ్యే నష్టాల నుంచి కాపాడుకోవాలంటే బీమా రక్షణ పొందడమే ఏకైక మార్గం. కానీ మన జీవితానికి, మనం ప్రయాణించే కారుకు మాదిరిగానే మనం ఇంటికి కూడా బీమా ఉంటుందన్న విషయం చాలా తకువ మందికే తెలుసు. విపత్తుల వల్ల ఇంటికి జరిగే నష్టాలను బీమాతో పూడ్చుకోవచ్చు. కుటుంబ పెద్ద చనిపోయనప్పుడు ఆ కుటుంబాన్ని జీవిత బీమా ఆదుకున్నట్టుగానే ప్రాపర్టీకి జరిగే నష్టాన్ని హోమ్ ఇన్సూరెన్స్ ద్వారా భర్తీ చేసుకోవచ్చు.
హోమ్ ఇన్సూరెన్స్ రెండు రకాలు. ఒకటి భవనానికి. రెండోది ఇంట్లోని వస్తువులకు. ప్రకృతి వైపరీత్యాలు చెప్పిరావు. వీటిని మనం అదుపు చేయలేం. భవనానికి, అందు లో ఉండే విలువైన వస్తువులకు హోమ్ ఇన్సూరెన్స్ భద్రత కల్పిస్తుంది. భూకంపాలు, పిడుగుపాటు, వరదలు, తుపాన్ లాంటి వైపరీత్యాలతో పాటు, దోపిడీలు దొమ్మీలు, అల్లర్లు, అగ్నిప్రమాదాల్లాంటి ఘటనలతో జరిగే ఆర్థిక నష్టాలను హోమ్ ఇన్సూరెన్స్తో పూడ్చుకోవచ్చు. అలాగే ఇంట్లో ఉండే బంగారు ఆభరణాల్లాంటి విలువైన వస్తువులకూ హోమ్ ఇన్సూరెన్స్ తీసుకోవచ్చు.
ఇండ్లకు ఇన్సూరెన్స్ తీసుకునేందుకు ఆయా భవనాల యజమానులు మాత్రమే అర్హులు. అద్దెకు ఉండేవారికి ఈ అర్హత ఉండదు. కానీ వారు ఆ ఇంట్లోని బంగారు ఆభరణాలు, రత్నాలు, ఎలక్ట్రానిక్ వస్తువుల్లాంటి విలువైన వస్తువులకు హోమ్ ఇన్సూరెన్స్ తీసుకోవచ్చు.
కొన్ని రకాల ప్రమాదాలకు హోమ్ ఇన్సూరెన్స్ వర్తించదు. అణు ప్రమాదం, రేడియేషన్ యుద్ధం, ఉగ్ర దాడులు, సైనిక దాడి లాంటి ఘటనలతోపాటు ఉద్దేశ్య పూర్వకంగా చేసే డ్యామేజీలకు హోమ్ ఇన్సూరెన్స్ వర్తించదు. బీమా కంపెనీని బట్టి కూడా కవరేజీ అంశాలు మారుతుంటాయి. అయితే మనం ఎన్ని రకాల ప్రమాదాల నుంచి రక్షణ కోరుకుంటున్నామన్న అంశాన్ని బట్టి ఇన్సూరెన్స్ ప్రీమియం అధారపడి ఉంటుంది.
అన్ని బీమా పాలసీల మాదిరిగానే జనరల్ ఇన్సూరెన్స్ కంపెనీలు ఇచ్చే వివిధ పాలసీలను పోల్చిచూడండి. తక్కువ ప్రీమియంతో ఎందులో ఎకువ ఫీచర్లు ఉంటే దాన్ని ఎంచుకోండి అలాగే సెటిల్మెంట్ నిష్పత్తితోపాటు ఎంత త్వరగా సెటిల్మెమెంట్ జరుగుతుందో కూడా పరిశీలించండి.
ఇంటిని విలువను బట్టి హోమ్ ఇన్సూరెన్స్ కవరేజీ ఉండదు. అది ఉన్న స్థలం విలువ, ఆ ఇంటిని పునర్నిర్మించాడానికయ్యే ఖర్చును బట్టి ఇన్సూరెన్స్ కవరేజీ ఆధారపడి ఉంటుంది. అంతేకాకుండా మీ ఇంటికి అదనపు భద్రత కల్పించేందుకున్న సదుపాయాలను కూడా చూస్తారు. అగ్నిమాపక వ్యవస్థ, మంటలను ఆర్పడానికి ఉండే సామగ్రి లాంటి అంశాలను బట్టికూడా ప్రీమియంలో మార్పులుంటాయి. భద్రతా ఏర్పాట్లు ఎకువగా ఉంటే ప్రీమియం తకువగా ఉంటుంది. అలాగే ఎంత ఎకువ కవరేజీ కావాలనుకుంటే అంత ఎకువ ప్రీమియంను చెల్లించాల్సి ఉంటుంది.
విపత్తుల వల్ల ప్రాపర్టీ దెబ్బతింటే సాధ్యమైనంత త్వరగా బీమా కంపెనీకి సమాచారాన్ని అందించండి. టోల్ ఫ్రీ నెంబర్ ద్వారా కస్టమర్ కేర్ నంబర్కు లేదా ఇన్సూరెన్స్ అధికారి, ఏజెంట్కు నేరుగా ఫోన్ చేయడం ద్వారా క్లెయిమ్ను నమోదు చేయవచ్చు. అయితే మీ క్లెయిమ్కు రిజిస్ట్రేషన్ నంబర్ వచ్చేలా చూసుకోండి. ముఖ్యంగా వరదలు, తుపాన్ల లాంటి ప్రమాదాల వల్ల పదేపదే నష్టం అవకాశం ఉన్నందున మీ క్లెయిమ్లను ఎప్పటికప్పుడు నోటిఫై చేయడం చాలా అవసరం. అలా చేయకపోతే బీమా క్లెయిమ్పై ఇన్సూరెన్స్ కంపెనీ అభ్యంతరం వ్యక్తంచేసే అవకాశం ఉంటుంది. అవసరమైతే జరిగిన నష్టానికి సంబంధించిన ఫోటోలను తీసీ సాక్ష్యాలుగా పంపించండి. అయితే దేన్ని కదపకుండా ఇన్సూరెన్స్ అధికారి వచ్చే వరకు అలాగే ఉంచండి. లేదంటే అభ్యంతరాలు వ్యక్తం కావచ్చు.
క్లెయిమ్ ప్రాసెస్ సులభంగా జరగాలంటే మీ ఇన్సూరెన్స్ కంపెనీ ప్రతినిధి నంబర్ను తెలుసుకొండి. అలాగే ఇన్సూరెన్స్ డాక్యుమెంట్ ఆన్లైన్లో ఉంటే అన్ని సమయాల్లో సులభంగా అందుబాటులో ఉంటుంది. ఫిజికల్ డాక్యుమెంట్ ప్రమాదంలో నశించవచ్చు. అదే ఆన్లైన్ డాక్యుమెంట్ అయితే ఎప్పుడంటే అప్పుడు ఎకడంటే అకడ చూసుకునే వీలుంటుంది. అలాగే మీ డాక్యుమెంట్లను మీ కుటుంబ సభ్యులకు కూడా అందుబాటులో ఉంచడం చాలా ముఖ్యం.
ఆదిల్ శెట్టి, సీఈఓ, బ్యాంక్ బజార్.కామ్