ఇంగ్లండ్‌ బ్యాటింగ్‌ సలహాదారుడిగా కలిస్‌

లండన్‌: దక్షిణాఫ్రికా దిగ్గజ ఆల్‌రౌండర్‌ జాక్వస్‌ కలిస్‌ ఇంగ్లండ్‌ క్రికెట్‌ జట్టుకు సేవలందించనున్నాడు. రెండు మ్యాచ్‌ల టెస్టు సిరీస్‌ కోసం శ్రీలంకలో పర్యటించనున్న ఇంగ్లండ్‌ జట్టుకు కలిస్‌ బ్యాటింగ్‌ కన్సల్టెంట్‌గా వ్యవహరించనున్నాడు. ఈ మేరకు ఇంగ్లండ్‌ క్రికెట్‌ బోర్డు (ఈసీబీ) సోమవారం ఒక ప్రకటన విడుదల చేసింది. లంక పర్యటన అనంతరం ఇంగ్లండ్‌ జట్టు భారత్‌తో టెస్టు సిరీస్‌ ఆడనుండటం వల్లే కలిస్‌ను సలహాదారుడిగా ఎంపిక చేసినట్లు తెలుస్తున్నది.