బుధవారం 01 ఏప్రిల్ 2020
Sports - Mar 13, 2020 , 15:15:41

కరోనా ప్రభావం.. ఐపీఎల్‌ వాయిదా

కరోనా ప్రభావం.. ఐపీఎల్‌ వాయిదా

హైదరాబాద్‌ : ఇండియన్‌ ప్రీమియర్‌ లీగ్‌(ఐపీఎల్‌)పై కరోనా ప్రభావం పడింది. దేశంలో కరోనా వైరస్‌ వ్యాధి వ్యాప్తి నేపథ్యంలో ఐపీఎల్‌ వాయిదా పడింది. మార్చి 29న ఆరంభం కావాల్సిన ఐపీఎల్‌ టోర్నీ ఏప్రిల్‌ 15కి వాయిదా వేస్తున్నట్లు బీసీసీఐ ప్రకటించింది. కోవిడ్‌-19 నివారణకు ముందస్తు జాగ్రత్త చర్యల్లో భాగంగా ఈ నిర్ణయం తీసుకున్నట్లు పేర్కొంది. ఐపీఎల్‌ను నిర్వహించలేమంటూ ఇప్పటికే పలు రాష్ర్టాలు చేతులెత్తేసిన విషయం తెలిసిందే.

వాస్త‌వానికి 13వ ఐపీఎల్ షెడ్యూల్‌.. మార్చి 29వ తేదీన ప్రారంభం కావాల్సి ఉన్న‌ది. అయితే క‌రోనా వైర‌స్ సృష్టిస్తున్న అల‌జ‌డి వ‌ల్ల ప్ర‌పంచ దేశాలు వ‌ణికిపోతున్నాయి. ఆ మ‌హ‌మ్మారి కార‌ణంగా.. ప‌లు దేశాలు అనేక క్రీడా సంబ‌రాల‌ను ర‌ద్దు చేశాయి. ఆ కోవ‌లోనే ఐపీఎల్‌ను కూడా వాయిదా వేస్తున్న‌ట్లు బీసీసీఐ కార్య‌ద‌ర్శి జే షా ఓ ప్ర‌క‌ట‌న‌లో తెలిపారు. క‌రోనా వ్యాప్తి ప‌ట్ల బీసీసీఐ ఆందోళ‌న చెందుతున్న‌ద‌ని, ప్ర‌జా ఆరోగ్యాన్ని దృష్టిలో పెట్టుకుని, అన్ని చ‌ర్య‌లు తీసుకుంటున్న‌ట్లు షా చెప్పారు. కేంద్ర ప్ర‌భుత్వం, యూత్ అఫైర్స్, స్పోర్ట్స్‌ మంత్రిత్వ‌శాఖతో పాటు ఇత‌ర శాఖ‌ల‌తోనూ క‌లిసి ప‌నిచేస్తామ‌న్నారు. క‌రోనా వ్యాప్తి కార‌ణంగా ఇప్ప‌టికే యూఈఎఫ్ఏ చాంపియ‌న్స్ లీగ్‌, లా లీగా, సేరీ ఏ, ఎన్‌బీఐ, ఏటీపీ టూర్ లాంటి స్పోర్ట్స్ ఈవెంట్స్‌ను ర‌ద్దు చేశారు.


logo
>>>>>>