IPL 2023 : వారెవ్వా.. వాట్ ఏ మ్యాచ్.. రిజర్వ్ డే ఫైనల్ మ్యాచ్ అభిమానులకు మస్త్ థ్రిల్నిచ్చింది. ఉత్కంఠ పోరులో నాలుగు సార్లు చాంపియన్ చెన్నై సూపర్ కింగ్స్ అదరగొట్టింది. ఐదోసారి ఐపీఎల్ టైటిల్ సాధించింది. అహ్మదాబాద్లోని నరేంద్ర మోడీ స్టేడియంలో రవీంద్ర జడేజా(15 నాటౌట్ : 6 బంతుల్లో 1 ఫోర్, 1 సిక్స్ ) సంచలన బ్యాటింగ్తో సీఎస్కే 5 వికెట్ల తేడాతో గెలుపొందింది. దాంతో, ఆఖరి ఓవర్ దాకా పోరాడిన డిఫెండింగ్ చాంపియన్ గుజరాత్ టైటాన్స్కు నిరాశ తప్పలేదు.
మోహిత్ శర్మ వేసిన 15వ ఓవర్లో చెన్నై విజయానికి 13 రన్స్ అవసరమయ్యాయి. తొలి నాలుగు బంతులకు 3 రన్స్ వచ్చాయి. దో బంతికి రవీంద్ర జడేజా(15) లాంగాన్లో సిక్స్ బాదాడు. ఆఖరి బాల్కు ఫోర్ కొట్టాడు. దాంతో, చెన్నై 5 వికెట్ల తేడాతో గెలిచింది. ఐదోసారి ఐపీఎల్ ట్రోఫీని అందుకుంది. ఇంపాక్ట్ ప్లేయర్ శివం దూబే(32) నాటౌట్గా నిలిచాడు.
𝗗𝗢 𝗡𝗢𝗧 𝗠𝗜𝗦𝗦!
Two shots of excellence and composure!
Finishing in style, the Ravindra Jadeja way 🙌#TATAIPL | #Final | #CSKvGT pic.twitter.com/EbJPBGGGFu
— IndianPremierLeague (@IPL) May 29, 2023
మోహిత్ శర్మ వేసిన 15వ ఓవర్లో చెన్నై విజయానికి 13 రన్స్ అవసరమయ్యాయి. తొలి నాలుగు బంతులకు 3 రన్స్ వచ్చాయి. దో బంతికి రవీంద్ర జడేజా(15) లాంగాన్లో సిక్స్ బాదాడు. ఆఖరి బాల్కు ఫోర్ కొట్టాడు. దాంతో, చెన్నై 5 వికెట్ల తేడాతో గెలిచింది. ఐదోసారి ఐపీఎల్ ట్రోఫీని అందుకుంది. ఇంపాక్ట్ ప్లేయర్గా శివం దూబే(32) నాటౌట్గా నిలిచాడు.
మోహిత్ శర్మ ఓవర్లో రెండు వికెట్లు తీశాడు. వరుస బంతుల్లో అంబటి రాయుడు(19), ఎంఎస్ ధోనీ(0)ని ఔట్ చేశాడు. ఇంపాక్ట్ ప్లేయర్గా శివం దూబే(25), రవీంద్ర జడేజా(1) క్రీజులో ఉన్నారు. 13 ఓవర్లకు స్కోర్..150/5.
చివరి ఐపీఎల్ మ్యాచ్ ఆడుతున్న అంబటి రాయుడు(19) చెలరేగుతున్నాడు. మోహిత్ శర్మ ఓవర్లో వరుసగా సిక్స్, ఫోర్, సిక్స్ బాదాడు. నాలుగో బంతికి వెనుదిరిగాడు. ఎంఎస్ ధోనీ వచ్చాడు. ఇంపాక్ట్ ప్లేయర్గా శివం దూబే(25) క్రీజులో ఉన్నాడు.
తడబడుతున్న ఇంపాక్ట్ ప్లేయర్గా శివం దూబే(25 రెచ్చిపోయి ఆడుతున్నాడు. రషీద్ ఖాన్ ఓవర్లో వరుసగా రెండు సిక్స్లు కొట్టాడు. అంబటి రాయుడు(3), క్రీజులో ఉన్నాడు. 12 ఓవర్లకు స్కోర్..133/3. చెన్నై విజయానికి 18 బంతుల్లో 38 రన్స్ కావాలి.
చెన్నై మూడో వికెట్ పడింది. దంచుతున్న అజింక్యా రహానే(27)ను మోహిత్ శర్మ ఔట్ చేశాడు. రహానే కొట్టిన బంతిని బౌండరీ వద్ద విజయ్ శంకర్ క్యాచ్ పట్టడంతో అతను వెనుదిరిగాడు. అంబటి రాయుడు(1), ఇంపాక్ట్ ప్లేయర్గా శివం దూబే(12) క్రీజులో ఉన్నారు. 11 ఓవర్లకు స్కోర్..118/3
అజింక్యా రహానే(26 దూకుడు పెంచాడు. రషీద్ ఖాన్ ఓవర్లో వరుసగా రెండు ఫోర్లు కొట్టాడు. ఇంపాక్ట్ ప్లేయర్గా శివం దూబే(8) క్రీజులో ఉన్నాడు. 10 ఓవర్లకు స్కోర్..112/2
జోష్ లిటిల్ ఓవర్లో అజింక్యా రహానే(15) రెండు సిక్స్లు కొట్టాడు. ఇంపాక్ట్ ప్లేయర్గా శివం దూబే(2) క్రీజులో ఉన్నాడు. 8 ఓవర్లకు స్కోర్..93/2
చెన్నై రెండో వికెట్ పడింది.. ఓపెనర్ డెవాన్ కాన్వే(47) ఔటయ్యాడు. నూర్ అహ్మద్ ఓవర్లో ఆఖరి బంతికి భారీ షాట్ ఆడిన కాన్వే బౌండరీ వద్ద మోహిత్ శర్మ క్యాచ్ పట్టడంతో వెనుదిరిగాడు.
చెన్నైకి షాక్.. ఓపెనర్ రుతురాజ్ గైక్వాడ్(26) ఔటయ్యాడు. నూర్ అహ్మద్ ఓవర్లో బౌండరీ వద్ద క్యాచ్ పట్టడంతో వెనుదిరిగాడు. ఇంపాక్ట్ ప్లేయర్గా శివం దూబే వచ్చాడు.
డెవాన్ కాన్వే(44) దంచుతున్నాడు. జోష్ లిటిల్ ఓవర్లో ఆఖరి బంతికి సిక్స్ కొట్టాడు. దాంతో, 14 పరుగులు వచ్చాయి. రుతురాజ్ గైక్వాడ్(25) క్రీజులో ఉన్నాడు. 6 ఓవర్లకు స్కోర్..72/0
రషీద్ ఖాన్ ఓవర్లో డెవాన్ కాన్వే(27) ఫోర్ దంచాడు. రుతురాజ్ గైక్వాడ్(23) భారీ సిక్స్, ఫోర్ బాదాడు. దాంతో, 17 పరుగులు వచ్చాయి. 4 ఓవర్లకు స్కోర్..52/0
హార్దిక్ పాండ్యా ఓవర్లో తొలి డెవాన్ కాన్వే(12) తొలి బంతికి సిక్స్, ఐదో బంతికి ఫోర్ బాదాడు. దాంతో, 14 పరుగులు వచ్చాయి.రుతురాజ్ గైక్వాడ్(11) క్రీజులో ఉన్నాడు. 2 ఓవర్లకు స్కోర్..23/0
తొలి ఓవర్ ఆఖరి బంతికి రుతురాజ్ గైక్వాడ్(4) ఫోర్ బాదాడు. దాంతో, 10 పరుగులు వచ్చాయి. డెవాన్ కాన్వే(0) క్రీజులో ఉన్నాడు.
ఆటను 15 ఓవర్లకు కుదించడంతో తొలి 4 ఓ వర్లకు మాత్రమే పవర్ ప్లే వర్తిస్తుంది. ప్రతి బౌలర్కు 3 ఓవర్లు వేసే అవకాశం ఉంటుంది. చెన్నై ఇన్నింగ్స్ 12ః10కి మొదలు కానుది. చెన్నై టార్గెట్... 171.
ఫ్యాన్స్కు గుడ్న్యూస్.. వర్షానికి తడిసిన అవుట్ఫీల్డ్ను అంపైర్లు, మ్యాచ్ రిఫరీ జవగల్ శ్రీనాథ్ పరిశీలించారు. చర్చల అనంతరం 5 ఓవర్లు తగ్గించాలని నిర్ణయించారు. దాంతో, 12ః10కి 15 ఓవర్ల ఆట సాగనుంది. విజయం కోసం చెన్నై 171 రన్స్ కొట్టాల్సి ఉంటుంది.
Good news from Ahmedabad folks 🏟️
Play to start at 12:10 PM IST.
The match has been reduced to 15 overs. #TATAIPL | #Final | #CSKvGT
— IndianPremierLeague (@IPL) May 29, 2023
భారీ వర్షం కారణంగా స్టేడియంలో అవుట్ఫీల్డ్ తడిగా ఉంది. దాంతో అంపైర్లు, మ్యాచ్ రిఫరీ 11:30కి పిచ్ను పరిశీలించనున్నారు. ఆ తర్వాత ఆట కొనసాగింపు, ఓవర్ల కుదింపుపై నిర్ణయానికి వచ్చే అవకాశం ఉంది.
వరుణుడు శాంతిండచడంతో గ్రౌండ్ సిబ్బంది పిచ్పై కప్పిన కవర్లను తొలగించారు. 10ః45కి అంపైర్లు, మ్యాచ్ రిఫరీ పిచ్ను పరిశీలించనున్నారు. ఆ తర్వాత ఆట కొనసాగింపు పై నిర్ణయానికి వచ్చే అవకాశం ఉంది.
రెండో ఇన్నింగ్స్కు అంతరాయం కలిగించిన వరుణుడు శాంతించాడు. దాంతో, గ్రౌండ్ సిబ్బంది పిచ్పై కప్పిన కవర్లను తొలగిస్తున్నారు. సూపర్ సాపర్స్తో అవుట్ఫీల్డ్ లోని నీటిని తోడేస్తున్నారు. మరికాసేపట్లో ఆట మొదలుకానుంది.
షమీ వేసిన తొలి ఓవర్లో రుతురాజ్ గైక్వాడ్(4) మూడో బంతికి ఫోర్ బాదాడు. ఆ తర్వాత వర్షం మొదలైంది. దాంతో, సిబ్బంది పరుగున వచ్చి పిచ్ను కవర్లతో కప్పేశారు. డెవాన్ కాన్వే(0) క్రీజులో ఉన్నాడు.
గుడ్న్యూస్.. రెండో ఇన్నింగ్స్ మరికాసేపట్లో ప్రారంభం కానుంది. వాన తగ్గడంతో సిబ్బంది కవర్లను తీసేశారు.
రెండో ఇన్నింగ్స్ మరికాసేపట్లో ప్రారంభం కానుంది అనగా వాన మొదలైంది. దాంతో, సిబ్బంది పిచ్ను కవర్లతో కప్పేశారు.
పథిరణ వేసిన 20వ ఓవర్లో సాయి సుదర్శన్(96) వరుసగా రెండు సిక్స్లు కొట్టాడు. మూడో బంతికి ఎల్బీగా ఔటయ్యాడు. ఆఖరి బంతికి రషీద్ ఖాన్(0) ఔటయ్యాడు. హార్దిక్ పాండ్యా(21) నాటౌట్గా నిలిచాడు. దాంతో, గుజరాత్ 4 వికెట్ల నష్టానికి 214 రన్స్ కొట్టింది.
6️⃣4️⃣4️⃣4️⃣@sais_1509 on song 🔥🔥
Can he finish on a high for @gujarat_titans? 🤔
Follow the match ▶️ https://t.co/WsYLvLrRhp#TATAIPL | #Final | #CSKvGT pic.twitter.com/z7qL4Dav1w
— IndianPremierLeague (@IPL) May 29, 2023
తుషార్ దేశ్పాండే ఓవర్లో హార్దిక్ పాండ్యా(21) రెండు సిక్స్లు, సాయి సుదర్శన్(84) ఫోర్ కొట్టాడు. దాంతో 18 పరుగులు వచ్చాయి. 19 ఓవర్లకు స్కోర్..200/2
ఫిఫ్టీ బాదిన సాయి సుదర్శన్(76) వేగం పెంచాడు. తుషార్ దేశ్పాండే ఓవర్లో వరుసగా సిక్స్, హ్యాట్రిక్ ఫోర్లు కొట్టాడు. దాంతో 20 పరుగులు వచ్చాయి. హార్దిక్ పాండ్యా(1)క్రీజులో ఉన్నాడు. 17 ఓవర్లకు స్కోర్..173/2
సాయి సుదర్శన్(52) ఫిఫ్టీ బాదాడు. పథిరణ ఓవర్లో ఫోర్ కొట్టి అతను హాఫ్ సెంచరీ సాధించాడు.
సాయి సుదర్శన్(48) దంచుతున్నాడు. థీక్షణ ఓవర్లో రెండు సిక్స్లు బాదాడు. హార్దిక్ పాండ్యా(0)క్రీజులో ఉన్నాడు. 15 ఓవర్లకు స్కోర్..143/2
ఆరంభంలో భారీగా రన్స్ ఇచ్చిన దీపక్ చాహర్ బిగ్ వికెట్ తీశాడు. హాఫ్ సెంచరీ కొట్టిన వృద్ధిమాన్ సాహా(54)ను ఔట్ చేశాడు. ధోనీ క్యాచ్ పట్టడంతో సాహ నిరాశగా వెనుదిరిగాడు. సాయి సుదర్శన్(36) క్రీజులో ఉన్నాడు. 14 ఓవర్లకు స్కోర్..131/2
వృద్ధిమాన్ సాహా(53) హాఫ్ సెంచరీ కొట్టాడు. జడేజా ఓవర్లో ఫోర్ కొట్టి అతను ఫిఫ్టీ సాధించాడు. సాయి సుదర్శన్(32) క్రీజులో ఉన్నాడు. 13 ఓవర్లకు స్కోర్.. 124/1
వృద్ధిమాన్ సాహా(37) ఉతుకుతున్నాడు. జడేజా వోర్లో తొలి బంతికే ఫోర్ బాదాడు. సాయి సుదర్శన్(4) క్రీజులో ఉన్నాడు. 9 ఓవర్లకు స్కోర్..80/1
గుజరాత్ ఓపెనర్ శుభ్మన్ గిల్(39) స్టంపౌట్ అయ్యాడు. జడేజా ఓవర్లో షాట్ ఆడబోయి బంతిని మిస్ అయ్యాడు. వెంటనే ధోనీ వికెట్లను గిరాటేశాడు. దాంతో, 67 వద్ద గుజరాత్ తొలి వికెట్ పడింది. వృద్ధిమాన్ సాహా(28) క్రీజులో ఉన్నాడు.
గుజరాత్ ఓపెనర్ శుభ్మన్ గిల్(36), మథీశ థీక్షణ ఓవర్లో వరుసగా మూడు ఫోర్లు బాదాడు. దాంతో 13 పరుగులు వచ్చాయి. వృద్ధిమాన్ సాహా(26) క్రీజులో ఉన్నాడు. 6 ఓవర్లకు స్కోర్..62/0
గుజరాత్ ఓపెనర్లు శుభ్మన్ గిల్(24), వృద్ధిమాన్ సాహా(25) దూకుడుగా ఆడుతున్నారు. దీపక్ చాహర్ ఓవర్లో గిల్ ఫోర్ బాదాడు. దాంతో 11 పరుగులు వచ్చాయి. 5 ఓవర్లకు స్కోర్..49/0
సూపర్ ఫామ్లో ఉన్న శుభ్మన్ గిల్(17) దంచుతున్నాడు. తుషార్ దేశ్పాండే ఓవర్లో హ్యాట్రిక్ ఫోర్లు బాదాడు. దాంతో 14 పరుగులు వచ్చాయి. వృద్ధిమాన్ సాహా(21) క్రీజులో ఉన్నాడు. 4 ఓవర్లకు స్కోర్..38/0
దీపక్ చాహర్ ఓవర్లో వృద్ధిమాన్ సాహా(20) తొలి బంతికి సిక్స్ బాదాడు. మూడో, నాలుగో బాల్ను బౌండరీ దాటించాడు. దాంతో 16 పరుగులు వచ్చాయి. శుభ్మన్ గిల్(4), క్రీజులో ఉన్నాడు. మూడు ఓవర్లకు స్కోర్.. 24/0
చెన్నై బౌలర్లు కట్టుదిట్టంగా బంతులు వేస్తున్నారు. దాంతో, రెండో ఓవర్లో ఒక్క బౌండరీ రాలేదు. తుషార్ దేశ్పాండే ఓవర్లో 4 పరుగులు వచ్చాయి. శుభ్మన్ గిల్(4), వృద్ధిమాన్ సాహా(4) క్రీజులో ఉన్నారు. రెండు ఓవర్లకు స్కోర్.. 8/0
దీపక్ చాహర్ వేసిన తొలి ఓవర్లో 4 పరుగులు వచ్చాయి. శుభ్మన్ గిల్(2), వృద్ధిమాన్ సాహా(2) క్రీజులో ఉన్నారు.
ఫైనల్ మ్యాచ్ చూసేందుకు ఫ్యాన్స్ తరలివచ్చారు. దాంతో, స్టేడియం నిండిపోయింది. నిన్న వర్షం కారణంగా ఒక్క బంతి పడలేదు. దాంతో, మ్యాచ్ ఈరోజుకు వాయిదా పడింది.
ఫైనల్ మ్యాచ్లో ఇరుజట్లు గత మ్యాచ్లో ఆడిన ఆటగాళ్లతోనే బరిలోకి దిగుతున్నాయి.
చెన్నై సూపర్ కింగ్స్ : డెవాన్ కాన్వే, రుతురాజ్ గైక్వాడ్, అజింక్యా రహానే, మోయిన్ అలీ, అంబటి రాయుడు, రవీంద్ర జడేజా, ఎంఎస్ ధోనీ(కెప్టెన్, వికెట్ కీపర్), దీపక్ చాహర్, మథీశ థీక్షణ, పథిరణ, తుషార్ దేశ్పాండే.
గుజరాత్ టైటాన్స్ : శుభ్మన్ గిల్, వృద్ధిమాన్ సాహా(వికెట్ కీపర్), సాయి సుదర్శన్, హార్దిక్ పాండ్యా(కెప్టెన్), డేవిడ్ మిల్లర్, విజయ్ శంకర్, రాహుల్ తెవాటియా, రషీద్ ఖాన్, షమీ, మోహిత్ శర్మ, నూర్ అహ్మద్.
సబ్స్టిట్యూట్స్ వీళ్లే
చెన్నై - శివం దూబే, రషీద్, ఆకాశ్ సింగ్, సేనాపతి
గుజరాత్ - జోష్ లిటిల్, ఓడియన్ స్మిత్, శివం మావి.
The Playing XIs for the #Final are here!
Follow the match ▶️ https://t.co/WsYLvLrRhp#TATAIPL | #CSKvGT pic.twitter.com/iXaxOvOBaU
— IndianPremierLeague (@IPL) May 29, 2023
టాస్ గెలిచిన చెన్నై కెప్టెన్ ఎంఎస్ ధోనీ బౌలింగ్ తీసుకున్నాడు. దాంతో, గుజరాత్ ఫస్ట్ బ్యాటింగ్ చేయనుంది.
ర్యాపర్ కింగ్గా పేరొందిన అర్పన్ కుమార్ చండేల్ తనదైన ర్యాప్ గీతాలతో స్టేడియంలో హోరెత్తిస్తున్నాడు. అతడి పాటకు ఫ్యాన్స్ స్టెప్పులు వేస్తున్నారు. దాంతో, స్టేడియంలో సందడి వాతావరణం నెలకొంది.