e-Paper

Advertisement

E-Paper

Apps

Book Your Copy

Visit Telangana Today

Tuesday, October 19, 2021
Home News IPL 2021 | ఐపీఎల్‌ నిబంధనలు ఉల్లంఘించిన దినేశ్ కార్తీక్

IPL 2021 | ఐపీఎల్‌ నిబంధనలు ఉల్లంఘించిన దినేశ్ కార్తీక్

షార్జా: కోల్‌కతా నైట్‌ రైడర్స్ మాజీ సారధి, వికెట్ కీపర్ బ్యాట్స్‌మెన్ దినేశ్ కార్తీక్‌ను బీసీసీఐ మందలించింది. ఢిల్లీ క్యాపిటల్స్‌తో జరిగిన రెండో క్వాలిఫైయర్‌లో అతను ఐపీఎల్‌ కోడ్‌ ఆఫ్ కండక్ట్ నిబంధనలను ఉల్లంఘించినట్లు బీసీసీఐ వెల్లడించింది. అయితే అతను ఏ నిబంధనను ఉల్లంఘించిందీ మాత్రం బయటపెట్టలేదు.

ఐపీఎల్‌ కోడ్‌ ఆఫ్ కండక్ట్‌లోని 2.2 సెక్షన్‌లోని లెవెల్ 1 తప్పిదం చేసినట్లు కార్తీక్‌ కూడా అంగీకరించినట్లు బీసీసీఐ తెలిపింది. అత్యంత ఉత్కంఠ భరితంగా సాగిన రెండో క్వాలిఫైయర్‌లో దినేశ్ కార్తీక్ ఒక్క పరుగూ చేయకుండానే వెనుతిరిగాడు. అయితే ఆ సమయంలోనే కోపంతో ఒక వికెట్‌ను చేత్తో కొట్టి పడేసినట్లు కనిపిస్తోంది. ఈ కారణంగానే అతన్ని బీసీసీఐ మందలించినట్లు కొందరు భావిస్తున్నారు.

- Advertisement -

కాగా, ఏడేళ్ల తర్వాత మళ్లీ కోల్‌కతా జట్టు ఐపీఎల్‌ ఫైనల్ చేరింది. రెండో క్వాలిఫైయర్‌లో ఓపెనర్లు అద్భుతమైన ఆరంభం అందివ్వడంతో కోల్‌కతా జట్టు సునాయాసంగా గెలుస్తుందని అందరూ అనుకున్నారు. కానీ చివరి రెండు బంతుల్లో 6 పరుగులు చేయాల్సిన పరిస్థితి వరకూ మ్యాచ్ సాగింది.

ఢిల్లీ బౌలర్లు చివరి ఓవర్లలో విజృంభించడంతో కోల్‌కతా బ్యాట్స్‌మెన్ స్కోరు చేయలేకపోయారు. దానికితోడు వికెట్లు కూడా టపటపా పడిపోయాయి. ఈ క్రమంలో వెటరన్ స్పిన్నర్ అశ్విన్‌ బౌలింగ్‌లో సిక్సర్ బాదిన యువ ఆటగాడు రాహుల్ త్రిపాఠి తన జట్టును ఐపీఎల్‌ ఫైనల్స్‌ చేర్చాడు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement