టోక్యో: ఒలింపిక్స్లో భారత హాకీ అమ్మాయిలు ( Women’s Hockey ) అద్భుతంగా పోరాడారు. అసలు ఆశలే లేని స్థితి నుంచి ఏకంగా బ్రాంజ్ మెడల్ ఆడే స్థాయికి చేరారు. మెడల్ మ్యాచ్లోనూ బ్రిటన్పై చాలా వరకూ పైచేయి సాధించింది. ఒక దశలో 0-2 గోల్స్తో వెనుకబడినా.. తర్వాత 3-2 లీడ్లోకి దూసుకెళ్లి మెడల్ సాధించేలానే కనిపించారు. కానీ చివరి క్వార్టర్లోతడబడి తృటిలో మెడల్ చేజార్చుకున్నారు. తమ కల చెదరడంతో ఈ ఓటమిని వాళ్లు జీర్ణించుకోలేకపోయారు. దుఃఖాన్ని ఆపుకోలేక గ్రౌండ్లోనే బోరున ఏడ్చేశారు. వాళ్లను టీమ్ కోచ్తోపాటు ప్రత్యర్థి బ్రిటన్ ప్లేయర్స్ కూడా ఓదార్చే ప్రయత్నం చేశారు. ఓ ట్విటర్ యూజర్ షేర్ చేసిన ఈ వీడియో చూస్తే మెడల్ కోసం వాళ్లు ఎంతగా పరితపించారో అర్థమవుతుంది.