భారత్‌కు మరో ఐదు పతకాలు

దుబాయ్‌: ప్రపంచ పారా అథ్లెటిక్స్‌ గ్రాండ్‌ ప్రిలో భారత పారా అథ్లెట్లు రెండోరోజూ జోరు కొనసాగించారు. తొలి రోజు రెండు స్వర్ణాలు సహా ఆరు పతకాలు సాధించిన మనవాళ్లు.. రెండో రోజు రెండు పసిడి పతకాలు సహా మొత్తం ఐదు పతకాలు చేజిక్కించుకున్నారు. మహిళల 100 మీటర్ల (టీ-13)లో సిమ్రన్‌.. పురుషుల డిస్కస్‌ త్రో (ఎఫ్‌-55)లో నీరజ్‌ యాదవ్‌ బంగారు పతకాలు సొంతం చేసుకున్నారు. పురుషుల లాంగ్‌జంప్‌ (టీ-44)లో ప్రవీణ్‌ కుమార్‌ రజతం, ప్రదీప్‌ కాంస్యం చేజిక్కించుకోగా.. మహిళల జావెలిన్‌ త్రో (ఎఫ్‌-34)లో భాగ్యశ్రీ కాంస్యం గెలుచుకుంది.