మూడో వికెట్‌ కోల్పోయిన భారత్‌

బ్రిస్బేన్‌: ఆస్ట్రేలియాతో జరుగుతున్న ఆఖరి టెస్టులో భారత్‌ తన మూడో వికెట్‌ కోల్పోయింది. 62 పరుగుల వద్ద మూడో రోజు ఆటను ప్రారంభించిన టీమిండియా.. ఆదిలోనే పుజారా వికెట్‌ను కోల్పోయింది. ఓవర్‌నైట్‌ స్కోర్‌కు 17 పరుగులు జోడించిన పుజారా (25) జట్టు 105 స్కోర్‌ వద్ద మూడో వికెట్‌గా వెనుతిరిగాడు. దీంతో క్రీజ్‌లోకి వచ్చిన మయాంక్‌ అగర్వాల్‌ ఆచితూచి ఆడుతున్నాడు. తాత్కాలిక కెప్టెన్‌ అజింక రహానే 79 బంతుల్లో 33 పరుగులతో నాటౌట్‌గా ఉన్నాడు. భారత్‌ ఇంకా 244 పరుగులు చేయాల్సి ఉంది. ఆస్ట్రేలియా తన తొలి ఇన్నింగ్స్‌లో 369 పరుగులకు ఆలౌట్‌ అయ్యింది.