ద్యుతీకి స్వర్ణం

పాటియాలా: భారత గ్రాండ్‌ప్రిక్స్‌ అథ్లెటిక్స్‌ మీట్‌లో స్టార్‌ స్ప్రింటర్‌ ద్యుతీచంద్‌ స్వర్ణ పతకంతో సత్తాచాటింది. గురువారం ఇక్కడ జరిగిన 100 మీటర్ల పోటీలో 11.51 సెకన్లలోనే లక్ష్యాన్ని చేరిన ద్యుతీ అగ్రస్థానంలో నిలిచింది. టి ధనేశ్వరి (11.86, కర్ణాటక), దియాంద్ర సుద్లే వల్లాదరెస్‌ (11.97, మహారాష్ట్ర) వరుసగా రజత, కాంస్య పతకాలు దక్కించుకున్నారు. టోక్యో ఒలింపిక్స్‌కు అర్హత పొందాలంటే 11.15 సెకన్ల మార్క్‌ సాధించాల్సి ఉండగా.. ఆ లక్ష్యాన్ని సాధించేందుకు ద్యుతీ శ్రమిస్తున్నది. మహిళల 200 మీటర్ల పరుగులో హర్యానాకు చెందిన అంజలీ దేవి (23.57) బంగారు పతకం దక్కించుకుంది.