ఇంగ్లండ్‌ క్లీన్‌స్వీప్‌

• శ్రీలంకపై 2-0తో సిరీస్‌ కైవసం
  

గాలె: శ్రీలంక పర్యటనను ఇంగ్లండ్‌ ఘనంగా ముగించింది. గాలె వేదికగా జరిగిన రెండో టెస్టులో ఇంగ్లిష్‌ జట్టు 6 వికెట్ల తేడాతో లంకపై విజయం సాధించి, 2-0తో సిరీస్‌ను క్లీన్‌స్వీప్‌ చేసింది. సోమవారం నాలుగో రోజు ఇంగ్లండ్‌ స్పిన్న ర్లు బెస్‌ (4/49), లీచ్‌ (4/59) విజృంభించడంతో పాటు కెప్టెన్‌ జో రూట్‌ (2/0) కూడా సత్తాచాటడంతో రెండో ఇన్నింగ్స్‌లో శ్రీలంక 126 పరుగులకే కుప్పకూలింది. అనంతరం 146 పరుగుల స్వల్ప లక్ష్యాన్ని రూట్‌సేన 4 వికెట్లు కోల్పోయి ఛేదించింది. సిబ్లే (56 నాటౌట్‌), బట్లర్‌ (46 నాటౌట్‌) రాణించారు.