శుక్రవారం 26 ఫిబ్రవరి 2021
Sports - Feb 18, 2021 , 16:34:45

ఆస్ట్రేలియ‌న్ ఓపెన్‌ ఫైన‌ల్లోకి జోకోవిచ్‌

ఆస్ట్రేలియ‌న్ ఓపెన్‌ ఫైన‌ల్లోకి జోకోవిచ్‌

మెల్‌బోర్న్‌: ఆస్ట్రేలియా ఓపెన్  సింగిల్స్‌ మెన్స్ ఫైన‌ల్లో నోవాక్ జోకోవిచ్ ప్ర‌వేశించాడు. ఇవాళ జ‌రిగిన సెమీస్ మ్యాచ్‌లో జోకోవిచ్ 6-3, 6-4, 6-2 స్కోర్‌తో అల‌వోక‌గా క‌ర‌త్సేవ్‌పై గెలుపొందాడు.  ఆస్ట్రేలియన్ ఓపెన్ ఫైన‌ల్లోకి జోకోవిచ్ ప్ర‌వేశించ‌డం ఇది తొమ్మిదోసారి.  ఇక గ్రాండ్‌స్లామ్ ఫైన‌ల్‌కు వెళ్ల‌డం అత‌నికి 28వ సారి అవుతుంది. ఇవాళ్టి సెమీస్ మ్యాచ్ గంటా 53 నిమిషాల పాటు  కొనసాగింది.  రాడ్ లావెర్ ఎరినా మైదానంలో జోకోవిచ్ త‌న ప్ర‌తాపాన్ని చూపించాడు. వ‌ర‌ల్డ్ ర్యాంకింగ్స్‌లో 114వ స్థానంలో ఉన్న అస్ల‌న్ క‌ర‌త్సేవ్‌.. నేటి మ ్యాచ్‌తో టాప్ 50లోకి ప్ర‌వేశించ‌నున్నాడు. శుక్ర‌వారం మెద్వ‌దేవ్‌, స్టెఫానోస్ సిత్‌సిపాస్ మ‌ధ్య జ‌రిగే మ్యాచ్ విజేత‌తో జోకోవిచ్ ఫైన‌ల్లో త‌ల‌ప‌డుతాడు.

   

VIDEOS

logo