తెలుగు ఇండస్ట్రీలో ఇప్పుడు ఉన్న టాప్ దర్శకుల్లో అనిల్ రావిపూడి ఒకడు. పటాస్ సినిమాతో దర్శకుడిగా మారిన ఈ కుర్ర దర్శకుడు.. వరుస విజయాలతో దూసుకుపోతున్నాడు. అందుకే ఈయనతో పనిచేయడానికి స్టార్ హీరోలు కూడా ఆసక్తి చూపిస్తున్నారు. సరిలేరు నీకెవ్వరు సినిమా సక్సెస్ తర్వాత ఎఫ్ 3 బిజీగా ఉన్న ఈయన.. త్వరలోనే బాలయ్యతో కూడా ఒక సినిమా చేయబోతున్నాడని వార్తలు వినిపిస్తున్నాయి.
నిజానికి బాలకృష్ణతో అనిల్ రావిపూడి ఎప్పుడో సినిమా చేయాల్సింది. బాలయ్య 100వ చిత్రం కోసం అనిల్ రావిపూడి ఒక కథను కూడా వినిపించాడు. కానీ ఎందుకో అది సెట్ కాలేదు. దీంతో అప్పటి నుంచి బాలకృష్ణతో అవకాశం కోసం అనిల్ రావిపూడి ఎదురుచూస్తూనే ఉన్నాడు. ఈ క్రమంలో రీసెంట్గా బాలకృష్ణకు ఈ దర్శకుడు ఒక పవర్ఫుల్ కథను కూడా వినిపించాడట. ఈ విషయాన్ని ఇటీవల ఒక ఇంటర్వ్యూలో అనిల్ రావిపూడినే చెప్పాడు. అనిల్ చెప్పిన కథ నచ్చడంతో బాలయ్య ఓకే చెప్పినట్లు తెలుస్తోంది. దీంతో ఈ సినిమాపై అనిల్ రావిపూడి కసరత్తు కూడా మొదలు పెట్టినట్లు సమాచారం. ఈ సినిమాకు రామారావు గారు అనే టైటిల్ ఫిక్స్ చేసినట్లు సమాచారం. కాగా, బాలయ్య సినిమాను షైన్ స్క్రీన్స్ నిర్మాణ సంస్థ ఏకంగా రూ.75 కోట్లతో నిర్మించబోతున్నట్లు తెలుస్తుంది. బాలయ్య కోసం పవర్ ఫుల్ కథను సిద్ధం చేసిన అనిల్.. దానికోసం బడ్జెట్ కూడా అలాగే అడుగుతున్నాడు. ప్రస్తుతం బోయపాటి అఖండతో బాలకృష్ణ బిజీగా ఉన్నాడు. అది పూర్తయిన తర్వాత వీరి కాంబినేషన్లో మూవీ మొదలయ్యే అవకాశం ఉంది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఇవి కూడా చదవండి..
వకీల్ సాబ్ ఓటీటీ విడుదలకు ఓవర్సీస్ చిక్కులు
సల్మాన్-జాక్వెలిన్ సాంగ్ టీజర్ అదుర్స్..!
ఇర్ఫాన్ ఖాన్ భార్య ఎమోషనల్ పోస్ట్
పూరీ ఫస్ట్ అనుకున్న టైటిల్ పోకిరి కాదట..!
ఓటీటీలో ఏ1 ఎక్స్ప్రెస్ సందడి ఎప్పుడంటే..?
ప్రియాంక వల్లే అవకాశాలు రాలేదు: మీరాచోప్రా
బొమ్మరిల్లు హీరో సిద్ధార్థ్కు బెదిరింపులు.. చంపేస్తామంటూ వార్నింగ్
సమంతతో సెల్ఫీ..మేకర్స్ బర్త్ డే విషెస్