మంగళవారం 29 సెప్టెంబర్ 2020
Sports - Jul 30, 2020 , 18:28:58

గంగూలీ తొలి కోచ్​ అశోక్​ ముస్తఫీ మృతి

గంగూలీ తొలి కోచ్​ అశోక్​ ముస్తఫీ మృతి

కోల్​కతా: టీమ్​ఇండియా దిగ్గజం సౌరవ్ గంగూలీ చిన్ననాటి కోచ్ అశోక్ ముస్తఫీ(86) కన్నుమూశారు. దీర్ఘకాలంగా అనారోగ్యంతో బాధపడుతున్న ఆయన గురువారం ఉదయం మృతి చెందారు. ఆయన తన కూతురితో పాటు లండన్​లో ఉండేవారు.

“ఆయన గుండె సంబంధిత వ్యాధి కారణంగా ఏప్రిల్​ నుంచి దవాఖానలో చికిత్స పొందుతున్నారు. ఈ రోజు ఉదయం కార్డియాక్ అరెస్ట్​కు గురికావడంతో తుదిశ్వాస విడిచారు” అని ముస్తఫీ కుటుంబ సభ్యులొకరు తెలిపారు. బెంగాల్​కు క్రికెట్ పాఠాలు నేర్పినదిగా పేరున్న దుఖీరామ్ క్రికెట్ కోచింగ్ సెంటర్​లో అశోక్​ ముస్తాఫీ ప్రముఖ కోచ్​గా ఉండేవారు. ఆయన వద్ద శిక్షణ తీసుకున్న 12మంది బెంగాల్​ రంజీ క్రికెటర్లుగా ఎదిగారు. గంగూలీ టీమ్​ఇండియా కెప్టెన్​గా అదరగొట్టి, ప్రస్తుతం బీసీసీఐ అధ్యక్ష పదవిలో ఉన్నాడు. గంగూలీ చిన్నతనంలో తొలిసారిగా ముస్తాఫీ వద్దే క్రికెట్​లో ఓనమాలు దిద్దాడు. దాదా స్నేహితుడు సంజయ్ దాస్ కూడా ఆయన వద్దే క్రికెట్ ప్రారంభించాడు. గత నెల ముస్తాఫీ ఆరోగ్యం క్షీణించగా.. వైద్యానికి కావాల్సిన అన్ని ఏర్పాట్లను గంగూలీ, సంజయ్ చేశారు. 


logo