ఓడినా టాప్‌లోనే కోహ్లి సేన

Wed,September 12, 2018 01:56 PM

Team India on top in Test Rankings despite series loss against England

దుబాయ్: ఇంగ్లండ్‌లో జరిగిన ఐదు టెస్ట్‌ల సిరీస్‌ను 1-4తో కోల్పోయినా.. టీమిండియా మాత్రం టాప్ ర్యాంక్‌లోనే కొనసాగుతున్నది. అయితే సిరీస్ ఓటమితో పది పాయింట్లు కోల్పోయింది. సిరీస్‌కు ముందు 125 పాయింట్లతో టాప్‌లో ఉన్న కోహ్లి సేన ఖాతాలో ప్రస్తుతం 115 పాయింట్లు ఉన్నాయి. మరోవైపు ఇంగ్లండ్ మాత్రం ఈ విజయంతో నాలుగోస్థానానికి దూసుకొచ్చింది. చివరి టెస్ట్‌లో 118 పరుగుల తేడాతో గెలిచిన ఇంగ్లండ్.. న్యూజిలాండ్ నుంచి వెనక్కి నెట్టి ఐదో స్థానం నుంచి నాలుగో స్థానానికి వచ్చింది. ఈ సిరీస్ విజయంతో ఇంగ్లండ్ ఖాతాలో 8 పాయింట్లు వచ్చి చేరాయి. 106 పాయింట్లతో రెండు, మూడు ర్యాంకుల్లో ఉన్న సౌతాఫ్రికా, ఆస్ట్రేలియాల కంటే కేవలం ఒక పాయింట్ మాత్రం ఇంగ్లండ్ వెనుకబడి ఉంది. ప్రస్తుతం టెస్ట్ ర్యాంకింగ్స్‌లో కేవలం ఐదు పాయింట్ల తేడాలో నాలుగు టీమ్స్ ఉండటం విశేషం.

2361
Follow us on : Facebook | Twitter

More News

VIRAL NEWS

Featured Articles

Health Articles