చెన్నై టీమ్ వీరాభిమాని.. పెళ్లిపత్రిక ఎలా ఉందో చూడండి!

Wed,September 12, 2018 05:29 PM

CSK super fan designed his wedding invitation like a match ticket

చెన్నై: కొందరు ప్లేయర్స్, టీమ్స్‌కు వీరాభిమానులు ఉంటారు. వాళ్లు ఏదో ఒక రకంగా తమ అభిమానాన్ని చాటుకుంటూ ఉంటారు. తాజాగా ఐపీఎల్ టీమ్ చెన్నై సూపర్ కింగ్స్, ఆ టీమ్ కెప్టెన్ ఎమ్మెస్ ధోనీ వీరాభిమాని అయిన కే. వినోద్ అనే వ్యక్తి తన పెళ్లిపత్రికను వెరైటీగా ప్రింట్ చేయించాడు. అచ్చూ చెన్నై హోమ్ మ్యాచ్ టికెట్ రూపంలో ఈ వెడ్డింగ్ ఇన్విటేషన్ ఉండటం చాలా మందిని ఆకర్షిస్తున్నది. ధోనీ, చెన్నై టీమ్‌కు వీరాభిమానిగా ఏదైనా కొత్తగా చేయాలని భావించాను. అందుకే నా పెళ్లిపత్రికను ఇలా వెరైటీగా ప్రింట చేయించాను. సీఎస్‌కే అభిమాని, గ్రాఫిక్ డిజైనర్ అయిన నా ఫ్రెండ్ సాయంతో ఈ పత్రికను డిజైన్ చేయించాను అని వినోద్ చెప్పాడు. ఈ పత్రికను చెన్నై సూపర్ కింగ్స్ ఫ్రాంచైజీయే తమ ట్విటర్‌లో పోస్ట్ చేయడం విశేషం. చెన్నై సూపర్ కింగ్స్‌కు సంబంధించిన ఎన్నో వీడియోల్లో వినోద్ ఉన్నాడు. అతనికి ధోనీ తాను ఆటోగ్రాఫ్ చేసిన బ్యాట్‌ను బహుమతిగా కూడా ఇచ్చాడు.


5412
Follow us on : Facebook | Twitter

More News

VIRAL NEWS