శనివారం 27 ఫిబ్రవరి 2021
Siddipet - Dec 13, 2020 , 03:18:05

రైతుల సంఘటితానికే రైతు వేదికలు

రైతుల సంఘటితానికే రైతు వేదికలు

  • పేదలకు పైసా ఖర్చు లేకుండా గృహ ప్రవేశాలు
  • ఖాత చెక్‌డ్యాంను ‘కాళేశ్వరం’ నీటితో నింపుతాం 
  • ఖాత, మైసంపల్లిలో డబుల్‌ బెడ్‌రూం ఇండ్లలో గృహ ప్రవేశాలు 
  • కుటుంబ సమేతంగా వచ్చి మైసంపల్లి ఎస్సీకాలనీలో కొత్త ఇండ్లు చూపిస్తా.. మీతో సహపంక్తి భోజనం చేస్తా 
  • కొండంరాజుపల్లి, ఖాత, మైసంపల్లిలో అభివృద్ధి పనులకు ప్రారంభోత్సవాలు, శంకుస్థాపనలు చేసిన ఆర్థిక శాఖ మంత్రి హరీశ్‌రావు

నంగునూరు :నిరుపేదలకు.. రైతాంగానికి ప్రభుత్వం ఎల్లప్పుడూ అండగా ఉంటుంది. రైతులు లాభసాటి పంటలు వేయాలి. ఈ వారం రోజుల్లో రైతుబంధు డబ్బులు ఖాతాల్లో వేస్తామని ఆర్థిక శాఖ మంత్రి హరీశ్‌రావు అన్నారు. శనివారం నంగునూరు మండలం కొండంరాజుపల్లి, ఖాతా, మైసంపల్లి గ్రామాల్లో అభివృద్ధి పనులకు ప్రారంభోత్సవాలు, శంకుస్థాపనలు చేశారు. ఈ సందర్భంగా మంత్రి మాట్లాడారు. నంగునూరు నుంచి ఖాత వరకు డబుల్‌ రోడ్డును  వేసుకున్నామన్నారు. పాఠశాల ప్రహరీకి నిధులు మంజూరు చేస్తానన్నారు. రైతుశక్తిని బలోపేతం చేసేందుకే రైతువేదికలు నిర్మిస్తున్నామని తెలిపారు. వ్యవసాయాన్ని దృష్టిలో పెట్టుకుని లాభసాటి పంటలు వేయాలన్నారు. ఆయిల్‌ఫాం సాగుతో మంచి లాభాలు ఉంటాయన్నారు. ప్రభుత్వ పరంగా సబ్సిడీ ఉంటుందన్నారు. రైతులు ముందుకు రావాలని సూచించారు. అర్హులైన నిరుపేదలకు చెమట చుక్కపడకుండా డబుల్‌ బెడ్‌రూం ఇండ్లలో గృహ ప్రవేశాలు చేయిస్తుంటే చాలా సంతోషంగా ఉందన్నారు. నియోజకవర్గంలో చివరి గ్రామం వరకు అభివృద్ధి చేశామని, ‘కాళేశ్వరం’ నీటితో ఖాతా పెద్దవాగులోని చెక్‌డ్యాంలన్నీ నింపుతామన్నారు. రూ.23.34కోట్లతో కొండంరాజుపల్లిలో ప్రధానమంత్రి సడక్‌ యోజన రోడ్డుకు శంకుస్థాపన చేసి, ఖాతాలో రూ.20లక్షలతో రైతువేదిక, రూ.1.50కోట్లతో డబుల్‌ బెడ్‌రూం ఇండ్లు, వడ్డెర కమ్యూనిటీ హాల్‌, ముదిరాజ్‌ కమ్యూనిటీ హాల్‌, మైసంపల్లిలో రూ.1.56కోట్లతో డబుల్‌ బెడ్‌రూం ఇండ్లు, డంపింగ్‌ సెగ్రి గేషన్‌ షెడ్డును ప్రారంభం చేశారు. 

మా కుటుంబ సమేతంగా వచ్చి కొత్త ఇండ్లు చూపిస్తా... 

మా కుటుంబ సమేతంగా మైసంపల్లికి వస్తా.. మైసంపల్లి ఎస్సీకాలనీలోని కొత్త ఇండ్లు చూపిస్తా.. మీతో సహపంక్తి భోజనం చేస్తానని మంత్రి హరీశ్‌రావు అన్నారు. మైసంపల్లిలో నూతనంగా నిర్మించిన 25 డబుల్‌ బెడ్‌రూం ఇండ్లలో లబ్ధిదారులతో మంత్రి హరీశ్‌రావు గృహ ప్రవేశాలు చేయించారు. కొత్త ఇండ్లలోకి వెళ్లిన లబ్ధిదారులందరికీ కొత్త బట్టలు మంత్రి అందజేశారు. మీ కొత్త ఇండ్లు చూస్తుంటే.. నాకు కడుపు నిండినంత ఆనందంగా ఉంది.. జీవితంలో తృప్తినిచ్చిన పనేదన్న ఉందంటే ఇదే అని.. గృహ ప్రవేశాలు చేసిన లబ్ధిదారుల కళ్లలో ఆనందం.. వారి దీవెనలు ఇంతకంటే ఇంకేం కావాలని మంత్రి హరీశ్‌రావు సంబురం వ్యక్తం చేశారు. మంత్రిగా తాను నిత్యం బిజీబిజీగా రాత్రింబవళ్లు తిరుగుతూ ఇంటికి సమయం కేటాయించడం లేదని ఇంట్లో మా ఆవిడ, పిల్లలు అంటున్నారని, సిద్దిపేట, మైసంపల్లి గ్రామాల్లో కట్టిన కొత్త ఇండ్లలో అర్హులైన నిరుపేదలతో గృహ ప్రవేశాలు చేయించామని చూపుతామన్నారు. కార్యక్రమంలో ఎంపీపీ జాప అరుణాదేవి, జడ్పీటీసీ ఉమావెంకట్‌రెడ్డి, మాజీ ఎంపీపీ శ్రీకాంత్‌రెడ్డి, రైతుబంధు సమితి నాయకులు కోమాండ్ల రామచంద్రారెడ్డి, బద్దిపడగ కిష్టారెడ్డి, సర్పంచులు చల్ల దశమంతారెడ్డి, విజయలక్ష్మి, రాజెల్లయ్య, ఎంపీటీసీలు పబ్బతి ప్రియాంక, శనిగరం బాబు, నాయకులు దువ్వల మల్లయ్య, సోంరెడ్డి, రాగుల సారయ్య, లింగంగౌడ్‌, పీఏసీఎస్‌ చైర్మన్లు రమేశ్‌గౌడ్‌, మహిపాల్‌రెడ్డి, ఆయా గ్రామాల ప్రజాప్రతినిధులు, సర్పంచులు, ఎంపీటీసీలు, ఆయా శాఖల అధికారులు పాల్గొన్నారు.  


VIDEOS

logo