ప్రత్యేక ఆకర్షణగా పల్లె ప్రకృతి వనం
ఆకట్టుకునేలా రాళ్లపై జంతువుల చిత్రాలు
అందుబాటులోకి శ్మశానవాటిక, డంపింగ్ యార్డు
వంద శాతం పన్నుల వసూళ్లలో పదేళ్లుగా రికార్డు
జీపీ పాలకుల చొరవ, అధికారుల కృషికి ఫలితం
పర్వతగిరి, ఏప్రిల్ 2 : వరంగల్ రూరల్ జిల్లా పర్వతగిరి మండలంలోని అనంతారం.. ప్రగతి పథంలో పయనిస్తోంది. రాష్ట్ర ప్రభు త్వం తీసుకొచ్చిన ‘పల్లె ప్రగతి’ని స్థానిక ప్రజాప్రతినిధులు, అధికారుల సమన్వయంతో పక్కాగా అమలవుతోంది. ఫలితంగా ప్రజలకు అభివృద్ధి ఫలాలు అందుతున్నాయి. ఇందులో భాగంగా డంపింగ్ యార్డు, కంపోస్ట్ షెడ్, శ్మశానవాటిక, పల్లె ప్రకృతి వనం పూర్తికావడంతో గ్రామానికి కొత్త కళ వచ్చింది. అలాగే పదేండ్లుగా వంద శాతం పన్నుల వసూళ్లలో అవార్డులను సొంతం చేసుకుంటూ ప్రత్యేక గుర్తింపు తెచ్చుకుంది. తెలంగాణకు హరితహారంలో భాగంగా గ్రా మంలో 11వేల మొక్కలు పెంచి గ్రామస్తులకు అందించి నాటారు. అలాగే పార్కులో 1900 మొక్కలు నాటారు.
ఉత్తమ జీపీయే మా లక్ష్యం..
గ్రామాన్ని జిల్లాలోనే ఆదర్శంగా తీర్చిదిద్దేలా కృషి చేస్తున్నాం. ఉత్తమ జీపీగా అనంతారానికి మంచి పేరు తీసుకురావాలన్నదే మా లక్ష్యం. సంక్షేమ పథకాల అమలు కోసం టీఆర్ఎస్ ప్రభుత్వం తో డ్పాటు మరువలేనిది. ఎమ్మెల్యే అరూరి రమేశ్ సహకారంతో గ్రామాన్ని అన్ని విధాలా అభివృద్ధి చేసుకుంటున్నాం.