హాంకాంగ్: చైనాలో ‘సిగ్నల్’ అందడంలేదు. ఫేస్బుక్, ట్విట్టర్ లాంటి ప్రముఖ అంతర్జాతీయ సామాజిక మాధ్యమాల మాదిరిగానే ఈ ఎన్క్రిప్టెడ్ మెసేజింగ్ యాప్పై కూడా చైనా ప్రభుత్వం ఆంక్షలు విధించినట్లు తెలుస్తున్నది. ప్రస్తుతం అక్కడ వర్చువల్ ప్రైవేట్ నెట్వర్క్ (వీపీఎన్) లేకుండా ‘సిగ్నల్’ను యాక్సెస్ చేయడం కష్టంగా మారింది. చైనాలో సమాచార ప్రవాహాన్ని తొక్కిపెడుతున్న జిన్పింగ్ సర్కార్.. ఇప్పటికే గూగుల్, ఫేస్బుక్, ట్విట్టర్ లాంటి అమెరికన్ యాప్లను చైనీయులకు దూరంగా ఉంచింది. ఇదేవిధంగా గత నెలలో ‘క్లబ్హౌస్’ అనే ఆడియో ప్లాట్ఫామ్ను నిలిపివేసిన జిన్పింగ్ సర్కార్.. ఇప్పుడు ‘సిగ్నల్’పై కూడా నిషేధం విధించినట్లు స్పష్టమవుతున్నది.