బాలీవుడ్ నటి అలియాభట్ బాయ్ ఫ్రెండ్ రణ్బీర్ కపూర్కు కరోనా పరీక్షలో పాజిటివ్ గా నిర్దారణ అయిన సంగతి తెలిసిందే. ప్రస్తుతం హోం క్వారంటైన్ లో ఉన్నాడు రణ్ బీర్ కపూర్. ఈ నేపథ్యంలో తన బాయ్ఫ్రెండ్ చేతిలో చెయ్యి వేసి ఉన్న స్టిల్ ఒకటి ఇన్స్టాగ్రామ్లో పోస్ట్ చేసింది అలియాభట్. మేజర్ మిస్సింగ్ అంటూ హర్ట్ ఎమోజీని యాడ్ చేసింది. రణ్ బీర్ కపూర్-అలియా ఫాలోవర్లు కూడా పలు ఎమోజీలతో కామెంట్లు పోస్ట్ చేశారు.
అలియాభట్ లీడ్ రోల్ లో నటిస్తున్న చిత్రం గంగూభాయ్ కతియావాడి. ఈ చిత్ర డైరెక్టర్ సంజయ్ లీలా భన్సాలీకి కూడా పాజిటివ్ వచ్చింది. దీంతో వారికి సన్నిహితంగా ఉన్న అలియా కరోనా పరీక్ష చేయించుకోగా, గురువారం నెగెటివ్ వచ్చింది. ఈ విషయాన్ని ఇన్ స్టాగ్రామ్ ద్వారా ఇప్పటికే తెలియజేసింది అలియాభట్. రణ్బీర్ కపూర్-అలియాభట్ రిలేషన్షిప్లో ఉన్న సంగతి తెలిసిందే. ఇప్పటికే ఈ జంట పెండ్లి పీటలెక్కాల్సి ఉండగా..కరోనా మహమ్మారి కారణంగా వివాహం ఆలస్యమవుతూ వస్తోంది.
లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణఆండ్రాయిడ్ యాప్ డౌన్లోడ్ చేసుకోండి.