e-Paper

Advertisement

E-Paper

Apps

Book Your Copy

Visit Telangana Today

Thursday, June 24, 2021

వాట్సాప్‌ వాత

వాట్సాప్‌ వాత

ప్రైవసీ పాలసీ ఒప్పుకోకుంటే సేవల్లో కోత
చాట్‌ లిస్ట్‌, వీడియో కాల్స్‌పై దశలవారీగా ఆంక్షలు
దేశంలో 50 కోట్లమంది యూజర్లపై ప్రభావం

న్యూఢిల్లీ, మే 10: ‘పొమ్మనకుండా పొగబెట్టడం’ అంటే ఇదేనేమో. తమ కొత్త గోప్యతా నిబంధనలను అంగీకరించని యూజర్ల ఖాతాలను స్తంభింపజేయబోమని చెబుతూనే ప్రముఖ మెసేజింగ్‌ యాప్‌ ‘వాట్సాప్‌’ పిడుగులాంటి వార్తను చెప్పింది. కొత్త ప్రైవసీ అప్‌డేట్‌ను అంగీకరించని వాట్సాప్‌ యూజర్లకు దశల వారీగా కొన్ని సేవలను నిలిపివేస్తామని సంస్థ ప్రకటించింది. వాట్సాప్‌ ప్రైవసీ పాలసీ అంగీకారానికి మే 15ను డెడ్‌లైన్‌గా సంస్థ నిర్ణయించింది. అయితే గడువు తేదీ దగ్గరపడుతున్నా చాలామంది వినియోగదారులు ఇంకా ఆ పాలసీకి అంగీకారాన్ని తెలియజేయలేదు. దీంతో వాట్సాప్‌ తన వెబ్‌సైట్‌లో ఇటీవల కొన్ని కీలక సూచనలు చేసింది. తాజా నిర్ణయంతో దేశంలోని 53 కోట్ల మంది వాట్సాప్‌ యూజర్లపై ప్రభావం ఉండవచ్చని సంబంధిత నిపుణులు అంచనా వేస్తున్నారు.

వాట్సాప్‌ చేసిన కీలక సూచనలు ఏంటంటే..

మే 15నాటికి కొత్త గోప్యతా విధానానికి అంగీకరించని వాట్సాప్‌ యూజర్ల ఖాతాలను నిలిపివేయబోం. సేవలు కూడా కొనసాగుతాయి. అయితే, ప్రైవసీ పాలసీని అప్‌డేట్‌ చేసుకోమ్మంటూ రిమైండర్లు పంపిస్తాం.
కొన్ని వారాల అనంతరం రిమైండర్లను పంపడాన్ని నిలిపివేస్తాం. అనంతరం యూజర్లు వాట్సాప్‌ చాట్‌ లిస్ట్‌ను యాక్సెస్‌ చేయలేరు. అయితే ఇన్‌కమింగ్‌ కాల్స్‌, వీడియో కాల్స్‌ను రిసీవ్‌ చేసుకోవచ్చు.
అయినప్పటికీ, ప్రైవసీ నిబంధనలను అంగీకరించకపోతే, కొన్ని వారాల తర్వాత మెసేజ్‌లు, ఆడియో, వీడియో కాల్స్‌ను రాకుండా నిలిపేస్తాం.
ఆ తర్వాత కూడా గోప్యతా విధానానికి అంగీకరించకపోతే, ఖాతాను ఇన్‌యాక్టివ్‌ మోడ్‌లో పెడుతాం. అయితే, ఖాతాను మాత్రం తొలిగించబోం. (అయితే, వాట్సాప్‌ ఖాతా 120 రోజులపాటు ఇన్‌యాక్టివ్‌ మోడ్‌లో ఉంటే ఆ ఖాతా తొలిగించినట్లేనని నిపుణులు చెబుతున్నారు)

Advertisement
-Advertisement-

తాజావార్తలు

Advertisement
వాట్సాప్‌ వాత

ట్రెండింగ్‌

Advertisement