న్యూఢిల్లీ, ఆగస్టు 11: ఐవోఎస్ ఫోన్ వాడుతున్న వారు ఆండ్రాయిడ్ ఫోన్కు మారినప్పుడు/ఆండ్రాయిడ్ ఫోన్ వాడుతున్నవారు ఐవోఎస్ ఫోన్కు మారినప్పుడు వారి వాట్సాప్ చాట్, ఫొటోలు, డాక్యుమెంట్లు పోతాయని ఇకపై బెంగ అక్కర్లేదు. రెండు భిన్న ఆపరేటింగ్ సిస్టమ్లు ఉన్న ఫోన్ల మధ్య చాట్ హిస్టరీని ట్రాన్స్ఫర్ చేసుకొనేందుకు వాట్సాప్ వెసులుబాటు కల్పించింది. బుధవారం ఈ ఆప్షన్ను ప్రారంభించింది. సామ్సంగ్ గేలక్సీ అన్ప్యాక్డ్ ఈవెంట్ సందర్భంగా వివరాలు వెల్లడించింది. తొలుత ఇది సామ్సంగ్ కొత్తగా తయారు చేసిన మడిచే ఫోన్లో పనిచేస్తుందని, త్వరలోనే అందరికీ అందుబాటులోకి వస్తుందని తెలిపింది.