బుధవారం 30 సెప్టెంబర్ 2020
Science-technology - Aug 08, 2020 , 14:29:37

పోకో ఎం2 ప్రో స్మార్ట్ ఫోన్ సేల్స్ ప్రారంభం

పోకో ఎం2 ప్రో స్మార్ట్ ఫోన్ సేల్స్ ప్రారంభం

బెంగళూరు: ప్రముఖ స్మార్ట్ ఫోన్ బ్రాండ్ పోకో గత నెలలో మనదేశంలో పోకో ఎం2 ప్రో స్మార్ట్ ఫోన్ ఆవిష్కరించింది. మనదేశంలో ఈరోజు మధ్యాహ్నం 12 గంటల నుంచి పోకో ఎం2 ప్రో అమ్మకాలు ప్రారంభమయ్యాయి. ఈ ఫోన్ ప్రముఖ ఈ- కామర్స్ వెబ్ సైట్ ఫ్లిప్ కార్ట్ లో అందుబాటులో ఉన్నది. ఇందులో క్వాల్ కాం స్నాప్ డ్రాగన్ 720జీ ప్రాసెసర్ ను అందించారు. వెనకవైపు నాలుగు కెమెరాలు ఉండటం విశేషం. ఈ స్మార్ట్ ఫోన్ లో మూడు వేరియంట్లు ఉన్నాయి. 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.13,999గా ఉంది. 6 జీబీ ర్యామ్ + 64 జీబీ స్టోరేజ్ వేరియంట్ ధరను రూ.14,999గానూ, 6 జీబీ ర్యామ్ +128 జీబీ స్టోరేజ్ వేరియంట్ ధరను రూ.16,999గానూ నిర్ణయించారు.

అవుట్ ఆఫ్ ద బ్లూ, గ్రీన్ అండ్ గ్రీనర్, టూ షేడ్స్ ఆఫ్ బ్లాక్ రంగుల్లో ఈ ఫోన్ కొనుగోలు చేయవచ్చు. ఫ్లిప్ కార్ట్ యాక్సిస్ బ్యాంక్ కార్డు ద్వారా ఈ ఫోన్ కొనుగోలు చేసిన వారికి ఐదు శాతం క్యాష్ బ్యాక్ లభించనుంది. యాక్సిస్ బ్యాంక్ బజ్ క్రెడిట్ కార్డు ద్వారా కొనుగోలు చేసేవారికి ఐదు శాతం డిస్కౌంట్ లభించనుంది. నో కాస్ట్ ఈఎంఐ ఆప్షన్లు రూ.1,556 నుంచి ప్రారంభం కానున్నాయి. ఇందులో 6.67 అంగుళాల ఫుల్ హెచ్ డీ+ డిస్ ప్లేను అందించారు. డిస్ ప్లే యాస్పెక్ట్ రేషియో 20:9 కాగా, కార్నింగ్ గొరిల్లా గ్లాస్ ప్రొటెక్షన్ 5 కూడా ఇందులో ఉంది. ఇందులో ఫింగర్ ప్రింట్ సెన్సార్ ను ఫోన్ పక్కభాగంలో అందించారు. క్వాల్ కాం స్నాప్ డ్రాగన్ 720జీ ప్రాసెసర్ పై ఈ ఫోన్ పనిచేయనుంది.

ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 2 మెగా పిక్సెల్ డెప్త్ సెన్సార్, 5 మెగా పిక్సెల్ మాక్రో షూటర్ లు కూడా ఇందులో ఉన్నాయి. సెల్ఫీల కోసం ముందువైపు16 మెగాపిక్సెల్ కెమెరాను అందించారు. ఇందులో 5000 ఎంఏహెచ్ బ్యాటరీని అందించారు. 33W ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది. ఆండ్రాయిడ్ 10 ఆధారిత ఎంఐయూఐ 11 ఆపరేటింగ్ సిస్టంపై ఈ ఫోన్ పనిచేయనుంది. 4జీ, వైఫై, బ్లూటూత్ 5.0, జీపీఎస్/ఏ-జీపీఎస్, యూఎస్ బీ టైప్-సీ పోర్టు కనెక్టివిటీ ఫీచర్లను కూడా ఇందులో షియోమీ అందించింది.

 

తాజావార్తలు


logo