న్యూఢిల్లీ, ఏప్రిల్ 17: కొవిడ్ చికిత్సలో కీలకమైన ఔషధంగా భావిస్తున్న రెమ్డెసివిర్ ధరలు భారీగా (సగటున రూ.1500) తగ్గాయి. కొన్ని కంపెనీలు దాని ధరను దాదాపు సగంవరకు తగ్గిం చాయి. ఈ ఔషధ ధరలు అందరికీ అందుబాటులో ఉండేలా చూడాలని, ధరలను తగ్గించాలని కేంద్రప్రభుత్వం చేసిన విజ్ఞప్తి మేరకు ఫార్మా సంస్థలు రెమ్డెసివిర్ రేట్లను తగ్గించాయి. ఈ మేరకు జాతీయ ఔషధ ధరల నియంత్రణ సంస్థ(ఎన్పీపీఏ) శనివారం ప్రకటన చేసింది. దీంతో లక్షలాది మంది కరోనా రోగులకు ఊరట లభించింది. ఫార్మా సంస్థల నిర్ణయాన్ని కేంద్ర మంత్రి సదానందగౌడ స్వాగతించారు. కృతజ్ఞతలు తెలిపారు. ‘ఈ క్లిష్ట సమయంలో ప్రజలకు ఉపశమయం లభించే విషయం ఇది. ప్రభుత్వ విజ్ఞప్తి మేరకు ఫార్మా సంస్థలు రెమ్డెసివిర్ ధరలను తగ్గించాయి. కరోనాపై పోరులో ప్రధాని మోదీతో కలిసి నిలబడ్డ ఫార్మా సంస్థలకు నా కృతజ్ఞతలు’ అని ట్వీట్ చేశారు.
కంపెనీ బ్రాండ్ మునుపటి సవరించిన
ధర(వయల్) ధర(వయల్)
క్యాడిలా హెల్త్కేర్ లిమిటెడ్ రెమ్డాక్ 2,800 899
సింజెన్ ఇంటర్నేషనల్ లిమిటెడ్ రెమ్విన్ 3,950 2,450
డాక్టర్ రెడ్డీస్ ల్యాబొరేటరీస్ రెడిక్స్ 5,400 2,700
సిప్లా లిమిటెడ్ సిప్రెమి 4,000 3,000
మైలాన్ ఫార్మాస్యూటికల్స్ డెస్రెమ్ 4,800 3,400
జుబిలెంట్ జెనెరిక్స్ లిమిటెడ్ జుబి-ఆర్ 4,700 3,400
హెటిరో హెల్త్కేర్ లిమిటెడ్ కొవిఫర్ 5,400 3,490