అమ్మదనం అరుదైన వరం. గర్భిణి తన ఆరోగ్యం విషయంలో చాలా జాగ్రత్తగా ఉండాలి. నెలలు నిండేకొద్దీ శరీరంలో ఎన్నో మార్పులు చోటు చేసుకొంటాయి. అనేక సమస్యలు ఎదురవుతాయి. యోగాతో ఈ ఇబ్బందుల్ని అధిగమించవచ్చు. చిన్న చిన్న ఆసనాలే అయినా శారీరకంగా సత్తువనిస్తాయి. మానసిక ప్రశాంతతను కలిగిస్తాయి. గర్భిణుల చేతులకు బలాన్నిచ్చే యోగ భంగిమ.. పశ్చిమ నమస్కారాసనం. అయితే, నిపుణుల సలహాతోనే దీన్ని ప్రయత్నించాలి.
ఎలా చేయాలి?
ముందుగా నిటారుగా తాడాసన స్థితిలో నిల్చోవాలి.
రెండు చేతులనూ వీపు వైపునకు తీసుకోవాలి. అరచేతులు ఒకదానికొకటి ఆనించి, నడుము పైభాగాన చేతివేళ్లు పైకి చూస్తున్నట్టుగా నమస్కార ముద్ర పెట్టాలి.
ఈ సమయంలో రెండు భుజాలూ సమాంతరంగా ఉండేలా చూసుకోవాలి.
రెండు అరచేతులతో ఒకదానినొకటి నొక్కి పెట్టాలి. ఈ సమయంలో మోచేతులు రెండూ సమాంతరంగా ఉండేలా జాగ్రత్తపడాలి. ఛాతీని నిటారుగా ఉంచాలి. ఈ క్రమంలో తొడ ఎముక నిటారుగా ఉండి, పొత్తికడుపు లిఫ్ట్ అవుతుంది.
ఈ ఆసన స్థితిలో 15 నుంచి 30 సెకన్లు ఉండాలి. సాధారణ స్థాయిలో శ్వాస తీసుకోవాలి.
పశ్చిమ నమస్కారాసనం వల్ల మోచేతులకు, మణికట్టుకు బలం చేకూరుతుంది.
షరతులు వర్తిస్తాయి
కండ్ల్లు తిరుగుతున్నట్టుగా ఉన్నప్పుడు ఈ ఆసనం వేయకూడదు.
పొట్టలో అసౌకర్యంగా ఉన్నా.. వ్జైనా నుంచి రక్తస్రావం అవుతున్నా ఆపేయాలి.
అనితా అత్యాల
ప్రెగ్నెన్సీ యోగా నిపుణురాలు,హైదరాబాద్
6309800109