హైదరాబాద్, ఏప్రిల్ 27:ప్రీమియం, అత్యాధునిక కంటి అద్దాల తయారీ సంస్థ లెన్స్కార్ట్..తాజాగా ఐటీ హబ్గా కొనసాగుతున్న హైదరాబాద్లో టెక్నాలజీ సెంటర్ను ప్రారంభించింది. ప్రపంచస్థాయి కళ్ళ అద్దాలను అందించాలనే ఉద్దేశంతో ఈ నూతన సెంటర్ను ప్రారంభించినట్లు, వచ్చే ఆరు నెలల కాలంలో ఈ సెంటర్లో ఇంజినీరింగ్, ప్రొడక్ట్ డిజైన్ విభాగాల్లో 100 మందికి ఉపాధి అవకాశాలు కల్పించనున్నట్లు ప్రకటించింది. వినియోగదారులు కోరుకుంటున్న డిజైన్లను తీర్చిదిద్దాలనే ఉద్దేశంతో ఈ సెంటర్ను నెలకొల్పినట్లు, ముఖ్యంగా ఆన్లైన్, ఆఫ్లైన్ల్లో కస్టమర్లకు మెరుగైన సేవలు అందించడానికి ఈ సెంటర్ ఎంతో ఉపయోగపడనున్నదని కంపెనీ కో-ఫౌండర్ రామ్నీక్ ఖురానా తెలిపారు. వర్టికల్, మెషిన్ లెర్నింగ్లో మంచి పట్టున్న వారిని రిక్రూట్ చేసుకోనున్నట్లు తెలిపిన ఆయన..వచ్చే ఏడాదిలో సిబ్బంది సంఖ్యను రెట్టింపు చేయనున్నట్లు ప్రకటించారు. ప్రస్తుతం సంస్థలో 150 మంది విధులు నిర్వహిస్తున్నారు. ప్రస్తుతం సంస్థకు దేశవ్యాప్తంగా 500 స్టోర్లు ఉన్నాయి.