e-Paper

Advertisement

E-Paper

Apps

Book Your Copy

Visit Telangana Today

Friday, August 6, 2021
Home రంగారెడ్డి పర్యావరణ పరిరక్షణ అందరి బాధ్యత

పర్యావరణ పరిరక్షణ అందరి బాధ్యత

పర్యావరణ పరిరక్షణ అందరి బాధ్యత

షాబాద్‌, జూలై 11 : పర్యావరణ పరిరక్షణకు అందరూ తమవంతుగా మొక్కలు నాటాలని ఎంపీపీ ప్రశాంతిమహేందర్‌రెడ్డి అన్నారు. ఆదివారం మండల పరిధిలోని పోతుగల్‌ గ్రామంలో వైస్‌ ఎంపీపీ లక్ష్మి, సర్పంచ్‌ ఇస్మత్‌బేగంతో కలిసి మొక్కలు నాటారు. ఈ సందర్భంగా ఆమె మాట్లాడుతూ.. అడవులను సంరక్షించేందుకు సీఎం కేసీఆర్‌ హరితహారానికి శ్రీకారం చుట్టారని వివరించారు. గ్రామాల్లో భారీగా మొక్కలు నాటామన్నారు. ఖాళీ స్థలం ఎక్కడ ఉంటే అక్కడ మొక్కలు నాటాలని సూచించారు. కార్యక్రమంలో కో-ఆప్షన్‌ మండల మాజీ సభ్యుడు అయూబ్‌, కార్యదర్శి అశోక్‌, టీఆర్‌ఎస్‌ నాయకులు మునీర్‌షరీఫ్‌, షబ్బీర్‌, రాజు పాల్గొన్నారు.

ఇంటింటికీ మొక్కలు పంపిణీ
కొత్తూరు, జూలై 11 : మున్సిపల్‌ చైర్‌ పర్సన్‌ లావణ్య ఆదివారం ఇంటింటికీ తిరిగి మొక్కలు పంపిణీ చేశారు. ఈ సందర్భంగా ఆమె మాట్లాడుతూ హరిత మున్సిపాలిటీగా తీర్చిదిద్దడానికి ప్రజలు స్వచ్ఛందంగా ముందుకురావాలన్నారు. అందుకోసం ప్రతి ఇంటి ఆవరణలో కనీసం 5 మొక్కలు నాటాలన్నారు. ఎమ్మెల్యే అంజయ్యయాదవ్‌ సహకారంతో మున్సిపాలిటీని హరిత మున్సిపాలిటీగా మారుస్తామన్నారు. కార్యక్రమంలో మున్సిపల్‌ వైస్‌ చైర్మన్‌ రవీందర్‌, కౌన్సిలర్లు మాజీ ఎంపీటీసీ యాదయ్య, నాయకులు దేవేందర్‌యాదవ్‌, శ్రీనివాస్‌గౌడ్‌, గోపాల్‌గౌడ్‌, ఆంజనేయులు, సీటీకేబుల్‌ వెంకటేశ్‌ పాల్గొన్నారు.

- Advertisement -

విధిగా మొక్కలు నాటాలి
షాబాద్‌, జూలై 11 : హరితహారంలో ప్రతి ఒక్కరూ విధిగా మొక్కలు నాటాలని సీఐ ఆశోక్‌కుమార్‌ అన్నారు. ఆదివారం పోలీస్‌స్టేషన్‌ ఆవరణలో సిబ్బందితో కలిసి మొక్కలు నాటారు. ఈ సందర్భంగా సీఐ మాట్లాడుతూ.. కాలుష్యాన్ని నివారించేందుకు తప్పనిసరిగా మొక్కలు నాటాలన్నారు. కార్యక్రమంలో ఏఎస్‌ఐ శంకర్‌రెడ్డి పాల్గొన్నారు.

Advertisement
-Advertisement-

తాజావార్తలు

Advertisement
పర్యావరణ పరిరక్షణ అందరి బాధ్యత
పర్యావరణ పరిరక్షణ అందరి బాధ్యత
పర్యావరణ పరిరక్షణ అందరి బాధ్యత

ట్రెండింగ్‌

Advertisement