ఆర్మీ రిక్రూట్‌మెంట్‌ శిక్షణను సద్వినియోగం చేసుకోండి

రామగిరి, జనవరి 16: ఆర్మీ రిక్రూట్‌మెంట్‌ ర్యాలీలో పాల్గొనే అభ్యర్థుల కోసం సింగరేణి ఆర్జీ-3లో చేపడుతున్న ఉచిత శిక్షణను యువకులు సద్వినియోగం చేసుకోవాలని జీఎం సూర్యనారాయణ కోరారు. ఈ మేరకు సెంటినరీకాలనీలోని రాణి రుద్రమదేవి స్టేడియంలో ఉచిత శిక్షణకు అన్ని ఏర్పాట్లు చేస్తున్నట్లు తెలిపారు.  ఈ నెల 18వ తేదీలోగా దరఖాస్తులను జీఎం కార్యాలయంలో అందజేయాలని కోరారు.  

గోదావరిఖని, జనవరి 16: ఆర్మీ రిక్రూట్‌మెంట్‌ ర్యాలీలో పాల్గొనే అభ్యర్థులకు ఈ నెల 19వ తేదీ నుంచి గోదావరిఖనిలోని సింగరేణి స్టేడియంలో ఉచిత శిక్షణకు ఏర్పాట్లు పూర్తి చేసినట్లు జీఎం నారాయణ తెలిపారు. ఈ మేరకు స్థానిక జీఎం కార్యాలయంలో అన్ని విభాగాల అధికారులతో శనివారం సమీక్షా సమావేశం నిర్వహించారు. కార్యక్రమంలో ఎస్‌వోటూ జీఎం త్యాగరాజు, అధికారులు నవీన్‌, రమేశ్‌, ఆంజనేయులు, మదన్‌మోహన్‌, బెనర్జీ బెంజిమన్‌, కాశీ విశ్వేశ్వర్‌, విశ్వమేధి, సారంగపాణి, శ్రీనివాస్‌, ఆంజనేయప్రసాద్‌ తదితరులున్నారు.