‘నా వల్ల కాదు..’ చీర కట్టుకోమంటే ఈతరం అమ్మాయిలు చెప్పే జవాబు ఇది. కానీ, ఆర్గాంజా ఫ్యాబ్రిక్ చీరలు ఉల్లిపొరలా తేలిగ్గా ఉంటాయి. అమ్మాయిలకు తప్పక నచ్చుతాయి. సంప్రదాయ వేడుకల్లోనే కాకుండా పార్టీలు, ఫంక్షన్లలోనూ ప్రత్యేకంగా
కనిపించేలా డిజైన్ చేసిన చీరలివి.
ప్యూర్ ఆర్గాంజా ఫ్యాబ్రిక్తో డిజైన్ చేసిన చీర ఇది. లైట్ మెహందీ గ్రీన్ ప్లేన్ చీరకు డోరీ పైపింగ్తో సన్నటి బార్డర్ ఇచ్చారు. బ్రెస్ట్ పార్ట్లో చీర కలర్లోనే కర్దనాతో మగ్గం వర్క్ చేసి, కొంగుకి అదే కలర్ హ్యాండ్మేడ్ డిజైనర్ ఫ్లవర్స్ను జత చేశారు. చీరకు నప్పేలా, అదే కలర్ సిల్క్ ఫ్యాబ్రిక్తో డిజైన్ చేసిన బ్లౌజ్ హైలైట్ అయ్యింది. కీ హోల్ డిజైన్తో మెడ
వరకు కవర్ అయ్యేలా చేసి, ఫ్రిల్స్తో ఫినిష్ చేశారు. కర్దనా మగ్గం వర్క్ చేసిన ఆర్గాంజా ఫ్యాబ్రిక్తో రఫెల్స్ ఫాలింగ్ ైస్టెల్లో చేతుల్ని డిజైన్ చేశారు.
మోడల్: చైత్రా రాయ్
ఈ చీరను లైట్ గ్రీన్ కలర్ ప్లేన్ ఆర్గాంజా ఫ్యాబ్రిక్తో డిజైన్ చేశారు. ప్లేన్గా ఉన్న చీరపై బ్లాక్ డిజైనర్ బ్లౌజ్ ట్రెండీ లుక్ ఇస్తుంది. మబ్బుతెరలాంటి చీర ఫ్యాబ్రిక్కి నప్పేలా, బ్లౌజ్ను ప్రింటెడ్ షీఫాన్ ఫ్యాబ్రిక్తో డిజైన్ చేశారు. బ్లౌజ్కి హాఫ్ షోల్డర్ ఇచ్చి ఫ్రీసైజ్ ఫ్లఫ్ఫీ డిజైన్లో చేతులు పొడవుగా ఇచ్చారు. షోల్డర్ కట్లోనూ పీకోవర్క్తో ఫినిషింగ్ ఇచ్చి ప్రిల్స్ జత చేశారు. చీర కలర్కు నప్పేలా బ్లాక్ ఫ్యాబ్రిక్పై లైట్ బ్లూ ఫ్లవర్స్ డిజైన్.. బ్లౌజ్ను హైలైట్ చేస్తుంది. కొంగుకు పిన్ను పెట్టకుండా ముడి వేయడం మరింత మోడ్రన్ లుక్ని ఇస్తుంది.
మోడల్: అశికా శెట్టి
రితీషా రెడ్డి
ఇషా డిజైనర్ హౌస్, follow us on: instagram.com/
riteshareddy, 7013639335