మాటల మాంత్రికుడు త్రివిక్రమ్ దర్శకత్వంలో తెరకెక్కిన అల వైకుంఠపురములో సినిమా కోసం థమన్ అద్భుతమైన స్వరాలు సమకూర్చిన విషయం తెలిసిందే. చిత్రంలోని ప్రతి పాట శ్రోతలను ఎంతగానో అలరించడమే కాక ప్రతి పాట సెన్సేషన్ క్రియేట్ చేసింది. ముఖ్యంగా బుట్టబొమ్మ అనే పాట దేశ విదేశాలకు చెందిన సినీ ప్రేక్షకులని ఎంతగానో ఆకట్టుకుంది. అంతే కాదు తొలి తెలుగు పాటగా పలు రికార్డులను నమోదు చేసింది.
బుట్టబొమ్మ అనే పాటకు తగ్గట్టు అల్లు అర్జున్, పూజా హెగ్డేలు అద్భుతమైన డ్యాన్స్ చేయడంతో ఈ సాంగ్ క్రేజ్ పీక్స్కు వెళ్లింది. డేవిడ్ వార్నర్ లాంటి స్టార్ క్రికేటర్ కూడా పలు సందర్భాలలో ఈ పాటకు డ్యాన్స్ చేసి అలరించారు. అయితే బుట్టబొమ్మ పాట ఆగస్ట్ 1న 300 మిలియన్ క్లబ్బులోకి అడుగు పెట్టగా, అక్టోబర్లో మరో 100 మిలియన్స్ అందుకొని 400 మిలియన్లు చేరుకుంది. జనవరిలో 500 మిలియన్లకు చేరుకుంటే.. తాజాగా ఈ సాంగ్ 600 మిలియన్స్ దాటింది. తెలుగులో ఈ రికార్డు అందుకున్న తొలి తెలుగు పాటగా రికార్డ్ నమోదు చేసింది.