టాలీవుడ్ సూపర్ స్టార్ మహేష్ బాబు కెరీర్లో బిగ్గెస్ట్ బ్లాక్ బస్టర్ ఏది అంటే పోకిరి అని ఠక్కున చెప్తారు. ఈ సినిమాతో మహేష్లోని మాస్ యాంగిల్ని బయటకు తీసిన ప్రేక్షకులకి పసందైన వినోదాన్ని అందించాడు పూరీ జగన్నాథ్. ఈ సినిమా పంచిన వినోదం అంతా ఇంతా కాదు. బాక్సాఫీస్ రికార్డులని తిరగరాసిన ఈ చిత్రం 299 సెంటర్స్ లో 50 రోజులు, 200 సెంటర్స్లో 100 రోజులు, 63 సెంటర్స్లో 175 రోజులు నడిచి ఆల్ టైం రికార్డ్ సాధించింది.
ఏప్రిల్ 28 నాటికి ఈ చిత్రం విడుదల అయ్యి 15 ఏళ్ళు పూర్తి చేసుకోడంతో సోషల్ మీడియాలో మహేష్ ఫ్యాన్స్ రచ్చ చేస్తున్నారు.పోకిరి హ్యాష్ ట్యాగ్తో తెగ ట్రెండ్ చేస్తుండడంతో ఇప్పుడు పోకిర హ్యాష్ ట్యాగ్ టాప్ ట్రెండింగ్లో ఉంది. అప్పట్లోనే 40 కోట్ల షేర్ ను రాబట్టి దక్షిణాదిలోనే ఈ మార్క్ అందుకున్న మొట్ట మొదటి సెన్సేషనల్ ఇండస్ట్రీ హిట్ గా పేరు గాంచిన ఈ సినిమా అత్యధిక భాషల్లో రీమేక్ కాబడిన చిత్రంగా కూడా నిలిచింది. మణిశర్మ మ్యూజిక్, బ్రహ్మీ, అలీ కామెడీ, ఇలియానా గ్లామర్ సినిమాకు చాలా ప్లస్ అయ్యాయి. మళ్లీ మహేష్-పూరి కాంబినేషన్లో పవర్ ఫుల్ మూవీ రావాలని ఆడియాన్స్ కోరుకుంటున్నారు.
ఇవికూడా చదవండి..