సన్రైజర్స్ హైదరాబాద్ పేసర్ టీ నటరాజన్(30) మోకాలి గాయం కారణంగా ఈ ఏడాది ఐపీఎల్ మొత్తానికి దూరమైన విషయం తెలిసిందే. ఈ ఏడాది ఆరంభంలో ఆస్ట్రేలియా పర్యటనలో గాయపడిన యార్కర్ స్పెషలిస్ట్ నటరాజన్కు గాయం తిరగబెట్టడంతో లీగ్ నుంచి వైదొలిగాడు. తన మోకాలికి త్వరలో శస్త్ర చికిత్స చేయించుకోనున్నట్లు నటరాజన్ తెలిపాడు. ఈ సారి నటరాజన్ రెండే మ్యాచ్లు ఆడి రెండు వికెట్లు తీశాడు. హ్యాట్రిక్ ఓటముల తర్వాత సన్రైజర్స్ తొలి విజయాన్ని నమోదు చేసిన విషయం తెలిసిందే.
‘ఈ ఏడాది ఐపీఎల్లో మిగిలిన మ్యాచ్లకు దూరమవడం చాలా బాధగా ఉంది. గత సీజన్లో నేను బాగా ఆడాను. ఆ తర్వాత భారత్కు ప్రాతినిధ్యం వహించే అవకాశం వచ్చిది. ఈ సారీ భారీ లక్ష్యాలను నిర్దేశించుకున్నాను. దురదృష్టవశాత్తు, నేను మోకాలికి శస్త్ర చికిత్స చేయించుకోవాల్సి ఉంది. దీంతో ఈ సీజన్కు దూరంకాబోతున్నానని’ నటరాజన్ ఓ వీడియోలో పేర్కొన్నాడు.
ఆ వీడియోను సన్రైజర్స్ ట్విటర్లో పోస్ట్ చేసింది.