ప్రముఖ స్మార్ట్ఫోన్ తయారీ కంపెనీ మోటోరోలా భారత్లో రెండు కొత్త G-సిరీస్ ఫోన్లను విడుదల చేసింది. G60, G40 ఫ్యూజన్ పేరుతో విడుదలైన ఫోన్లలో 6,000mAh, క్వాల్కమ్ స్నాప్డ్రాగన్ 732G ప్రాసెసర్ ఉన్నాయి. రెండు ఫోన్లు సెల్ఫీ కెమెరా స్పెసిఫికేషన్లలో మాత్రమే తేడా ఉంది.
108 MP ప్రైమరీ కెమెరా, 32 MP సెల్ఫీ కెమెరా కలిగిన మోటో జీ60 మార్కెట్లో అందుబాటులోకి రానున్న అత్యంత సరసమైన స్మార్ట్ఫోన్ అని కంపెనీ పేర్కొంది. రెండు ఫోన్లలో 6.8 అంగుళాల హోల్ పంచ్ డిస్ప్లే, 120Hz స్క్రీన్ రిఫ్రెష్ రేట్ ఉంది.
6GB ర్యామ్ + 128GB స్టోరేజ్ మోడల్ కలిగిన జీ60 ఫోన్ ధర రూ. 17,999గా ఉంది. డైనమిక్ గ్రే, షాంపేన్ కలర్లలో అందుబాటులో ఉంది. లాంచ్ ఆఫర్లో భాగంగా ఐసీఐసీఐ బ్యాంక్ కార్డుల ద్వారా కొనుగోలు చేస్తే 1500 వరకు ఇన్స్టాంట్ డిస్కౌంట్ లభించనుంది. ఏప్రిల్ 27 నుంచి ఈ ఫోన్ను ఫ్లిప్కార్ట్ ద్వారా కొనుగోలు చేయొచ్చు.
మరోవైపు జీ40 ఫ్యూజన్లో 4GB + 64G మోడల్ ధర రూ.13,999 కాగా, 6GB + 128GB స్టోరేజ్ వేరియంట్ ధర రూ.15,999గా నిర్ణయించారు. డైనమిక్ గ్రే, షాంపేన్ కలర్లలో విడుదలైంది. మే 1వ తేదీ నుంచి ఫ్లిప్కార్ట్లో అందుబాటులో ఉంటుంది. ఐసీఐసీఐ బ్యాంక్ కార్డులతో కొంటే 1,000 ఇన్స్టాంట్ డిస్కౌంట్ పొందొచ్చు.