జీవితంలో
కొన్ని విపత్కర పరిస్థితులు
వాటిని మనం ఊహించలేం!
మనం బాధలో వుంటాం
మరొకరి బాధని పంచుకోవాల్సి వస్తుంది!
మనం ఏదో కోల్పోయి దుఃఖిస్తుంటాం
మన కళ్లల్లో కన్నీళ్లు ఉబికి ఉబికి వస్తుంటాయి
మరొకరి కన్నీళ్లని తుడవాల్సిన పరిస్థితి ఏర్పడుతుంది!
మనల్ని ఎవరైనా కౌగిలించుకొని
ఓదార్చాల్సిన పరిస్థితి ఉంటుంది
మరొకరిని కౌగిలించుకుని ఓదార్చాల్సిన
పరిస్థితి ఏర్పడుతుంది
చిరునవ్వు కోల్పోయిన పరిస్థితిలో వుంటాం
మరొకరికి చిరునవ్వుని ఇవ్వాల్సి వస్తుంది!
జీవిత తుఫానులో చిక్కుకొని ఉంటాం
మరొకరికి దీవెనలు ఇవ్వాల్సి వస్తుంది!
ఎంతటి విపత్కర పరిస్థితి!
ఈ సృష్టి మన పట్ల కఠినంగా ఉందని అన్పిస్తుంది
మన మీద ఎలాంటి ప్రేమని చూపించటం
లేదని కూడా అన్పిస్తుంది
ఈ పరిస్థితిని
సృష్టి ఓ కానుకగా ఇచ్చిందని
ఓ అవకాశంగా స్వీకరించాలి
అంతే !!
మంగారి రాజేందర్ జింబో
9440483001