e-Paper

Advertisement

E-Paper

Apps

Book Your Copy

Visit Telangana Today

Thursday, June 17, 2021
Home News నిర్మాత అనే పదానికి అసలైన చిరునామా డి. రామానాయుడు

నిర్మాత అనే పదానికి అసలైన చిరునామా డి. రామానాయుడు

నిర్మాత అనే పదానికి అసలైన చిరునామా డి. రామానాయుడు

హైదరాబాద్‌ : సినీర్మాత, దాదాసాహెబ్‌ ఫాల్కే అవార్డుగ్రహీత, దివంగత డా. డి. రామానాయుడు 86వ జయంతి అంతర్జాల వేదికగా మస్కట్‌లో ఘనంగా జరిగింది. పలువురు సినీప్రముఖులు, వివిధ ఖండాలలోని ప్రముఖులు ఆయనకు ఘననివాళి అర్పించారు. నిర్మాత అనే పదానికి అసలు సిసలైన చిరునామా డా. డి. రామానాయుడు అని వక్తలు కొనియాడారు. ఆయన కుమారుడు, సినీ నిర్మాత డి. సురేష్‌బాబు మాట్లాడుతూ.. ‘నాన్న చాలా సినిమాలు తీశారు. ఆయన ఎప్పుడూ విలువలతో కూడిన చిత్రాలే నిర్మించారు.

పరిశ్రమకు ఏదైనా అవసరమైతే నాన్న ఎలాగైతే స్పందించారో అదే స్ఫూర్తితో పనిచేయడానికి నేను సిద్ధంగా ఉంటాన’ని అన్నారు. నటుడు, నిర్మాత, మాజీ పార్లమెంటు సభ్యులు మురళీమోహన్‌ మాట్లాడుతూ, ‘సినిమా అనేది అద్భుతమైన మాధ్యమం. సినిమా నిర్మాత అవ్వాలంటే అన్ని విభాగాల మీద పూర్తి అవగాహనఉండాలని చెప్పిన వ్యక్తి రామానాయుడుగారు’ అని కొనియాడారు.

నిర్మాత అనే పదానికి అసలైన చిరునామా డి. రామానాయుడు


డా.వంశీ రామరాజు మాట్లాడుతూ.. ‘ప్రేమించు’ చిత్రం జయప్రదమైన సందర్భంలో దివ్యాంగుల ఆశ్రమాలకు చేయూతనిచ్చిన మానవతామూర్తి రామానాయుడు’ అన్నారు. తెలుగు కళాసమితి ఓమాన్‌ కన్వీనర్‌ అనిల్‌కుమార్‌ మాట్లాడుతూ, ‘ఓడిపోతామనే ఆలోచనలో ఉన్నవారు రామానాయుడు జీవితాన్ని తరచి చూస్తే ఆయన ఆదర్శంగా అదే బాటలో పయనిస్తార’ని అన్నారు.


ఈ కార్యక్రమాన్ని ప్రముఖ గాయని శివశంకరి గీతాంజలి నిర్వహించారు. సురేష్‌ కొండేటి, మండలి బుద్ధప్రసాద్‌, దర్శకుడు బి. గోపాల్‌, మాధవపెద్ది సురేష్‌, బలభద్రపాత్రుని రమణి, భువనచంద్ర, చంద్రబోస్‌, కాశీ విశ్వనాథ్‌, వి.ఎన్‌. ఆదిత్య, రామకృష్ణ గౌడ్‌, రవి కొండబోలు, ముప్పలనేని శివ, ఉపేంద్ర చివుకుల, డా. ఎల్లాప్రగడ రామకృష్ణారావు, రత్నకుమార్‌ కవుటూరు, చింతగుంట ఉదయపద్మ, డా. బూరుగుపల్లి వ్యాసకృష్ణ, లలితా రామ్‌, హరివేణుగోపాల్‌, రాజేష్‌ తోలేటి, సరోజా కొమరవోలు, శ్రీదేవి జాగర్లమూడి, సుబ్బు వి. పాలపర్తి, చింతలపూడి త్రినాథరావు, లయన్‌ ఎ. విజయకుమార్‌, చైతన్య సూరపనేని, దైవజ్ఞ శర్మ, శ్రీవాణి, రేలంగి నరసింహారావు ఈ కార్యక్రమంలో పాల్గొని ప్రసంగించారు.

ఇవి కూడా చదవండి..

పూడూర్‌లో గుప్త నిధుల కలకలం

దేశానికే ఆదర్శం ఇంటింటికి జ్వర సర్వే : ఎమ్మెల్సీ కవిత

బ్యాంకు ఉద్యోగులకు వ్యాక్సినేషన్

టీఆర్ఎస్‌ను మరింత బలోపేతం చేద్దాం : ఎమ్మెల్యే ఆరూరి

పాలకుర్తిలో వ్యవసాయ, టాస్క్‌ఫోర్స్‌ అధికారుల విస్తృత తనిఖీలు

సంగమేశ్వర లిఫ్ట్ ఇరిగేషన్ ప్రాజెక్టు సర్వే పనులకు శ్రీకారం

రెండు రోజుల్లో పెండింగ్ భూ సమస్యలు పరిష్కరించాలి

Advertisement
-Advertisement-

తాజావార్తలు

Advertisement
నిర్మాత అనే పదానికి అసలైన చిరునామా డి. రామానాయుడు

ట్రెండింగ్‌

Advertisement