గోల్గప్పా(పానీపూరీ)ను ఇష్టపడని వారెవరైనా ఉంటారా? అంటే ఉండనే ఉండరు అని చెప్పొచ్చు. అమ్మాయిలైతే మహా ఇష్టంగా గోల్గప్పాను ఆరగిస్తారు. అలా ఓ యువతికి పానీపూరీ అంటే మహా ప్రీతి. దీంతో ఏకంగా ఆమె పెళ్లి జరిగిన వేళ ఆభరణాలకు బదులుగా గోల్గప్పా మాలను ధరించింది. పెళ్లి కుమార్తె ధరించే కిరీటానికి బదులుగా గోల్గప్పాలతో తయారు చేసిన కిరీటాన్ని బహుకరించడంతో.. పెళ్లి కూతురు అక్షర ముఖంలో చిరునవ్వులు విరబూశాయి. ఇప్పుడు ఈ వీడియో సామాజిక మాధ్యమాల్లో వైరల్ అవుతోంది.