తెలుగులో చాలా మంది కమర్షియల్ హీరోలు ఉన్నారు. వాళ్లు మాస్ సినిమాలు చేస్తూనే ఉంటారు. కానీ కథా ప్రధానమైన సినిమాలు చేసే హీరోలు మాత్రం అరుదుగా ఉంటారు. అందులో అందరికంటే ముందు చెప్పుకోవాల్సిన హీరో అడవి శేష్. ఈయన ఎంచుకునే కథలు చాలా భిన్నంగా ఉంటాయి. రొటీన్ కమర్షియల్ మాస్ సినిమాలకు ఈయన చాలా దూరంగా ఉంటాడు. అందుకే తక్కువ సమయంలోనే టాలీవుడ్లో మంచి గుర్తింపు తెచ్చుకున్నాడు. క్షణం, గూడఛారి, ఎవరు లాంటి సినిమాలతో తన మార్కెట్ చాలా పెంచుకున్నాడు ఈయన. దాంతో ఈయన కోసం నిర్మాతలు కూడా క్యూ కడుతున్నారు. ఎక్కడి వరకో ఎందుకు మహేష్ బాబు లాంటి సూపర్ స్టార్ ప్రస్తుతం ఈయనతో సినిమా నిర్మిస్తున్నాడు.
మేజర్ అనే పాన్ ఇండియన్ సినిమాతో బిజీగా ఉన్నాడు అడవి శేష్. ఈ సినిమా జులై 2న ప్రపంచ వ్యాప్తంగా విడుదల కానుంది. తాజాగా ఈ చిత్ర టీజర్ విడుదలైంది. తెలుగుతో పాటు మలయాళం, హిందీల్లోనూ ఈ చిత్ర టీజర్ విడుదల చేశారు. తెలుగు వెర్షన్ మహేష్ బాబు.. హిందీ వెర్షన్ సల్మాన్ ఖాన్.. మలయాళం వెర్షన్ పృథ్వీరాజ్ సుకుమరన్ విడుదల చేశారు. పాన్ ఇండియన్ కథ కావడంతో అన్ని భాషల్లోనూ మేజర్ సినిమాను విడుదల చేస్తున్నారు. గూడఛారి సినిమాను అద్భుతంగా తెరకెక్కించిన శశికిరణ్ తిక్కా ఈ చిత్రానికి దర్శకుడు. ఈ సినిమాకు కథ, స్క్రీన్ ప్లే అడవి శేష్ అందిస్తుండటం విశేషం. 26/11 ముంబై తీవ్రవాద దాడుల్లో వీరమరణం పొందిన మేజర్ సందీప్ ఉన్ని కృష్ణన్ జీవిత కథ ఆధారంగా రూపొందుతుంది.
టీజర్ చూస్తుంటే గూస్ బంప్స్ రావడం ఖాయం. ప్రతి షాట్ కూడా అద్భుతంగా చిత్రీకరించాడు. ముఖ్యంగా సోల్జర్ అంటే ఏంటి.. వాళ్లు చేసే సాహసాలు ఎలా ఉంటాయి అనేది ఈ టీజర్ లోనే చూపించారు దర్శక నిర్మాతలు. సోనీ పిక్చర్స్, సూపర్ స్టార్ మహేష్ జీఎంబీ ఎంటర్టైన్మెంట్స్, ఏ ప్లస్ ఎస్ మూవీస్ బ్యానర్స్ సంయుక్తంగా నిర్మిస్తున్నాయి. తెలుగుతో పాటు హిందీ,మలయాళం, తమిళం, కన్నడలో కూడా ఈ చిత్రాన్ని విడుదల చేయనున్నారు. గూఢచారి తర్వాత మరోసారి శేష్ తో తెలుగమ్మాయి శోభితా ధూళిపాళ నటిస్తుంది. అలాగే దబంగ్ 3 ఫేమ్ సాయి మంజ్రేకర్ హీరోయిన్గా నటిస్తుంది. తాజాగా విడుదలైన టీజర్ సినిమాపై అంచనాలు మరింతగా పెంచేయడం ఖాయం.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
సాయంత్రం ఎన్టీఆర్ 30వ సినిమాపై అఫీషియల్ అనౌన్స్మెంట్
జోరు మీదున్న సోహైల్.. యూట్యూబ్ ఛానెల్ మొదలెట్టేశాడు..!
కరోనా పాజిటివ్.. థియేటర్లో ప్రత్యక్షం అయిన హీరోయిన్
గుడ్ న్యూస్ చెప్పిన యాంకర్ సమీరా షరీఫ్
ఇంట్రెస్టింగ్గా ఉన్న ఖిలాడి టీజర్
కేటీఆర్ సర్.. మీరు బాలీవుడ్, హాలీవుడ్ సినిమాల్లో ప్రయత్నించలేదా?
16 ఏళ్ల తర్వాత బాక్సాఫీస్ వద్ద పోటీపడనున్న లెజండరీ స్టార్స్
హీరోయిన్పై నెమలి దాడి.. వీడియో వైరల్
పవర్ స్టార్కు పెద్ద షాక్ ఇచ్చిన యువరత్న
దక్షిణాది అవకాశాలువస్తున్నాయి!
అరణ్య క్లోజింగ్ కలెక్షన్స్ ఎంతంటే..
ఉప్పెన డైరెక్టర్ బుచ్చిబాబు సైడ్ బిజినెస్ అదిరింది
చిరంజీవి లూసీఫర్ రీమేక్ కు అదిరిపోయే టైటిల్
టాలీవుడ్కు కష్టమే : తెలుగు రాష్ట్రాల్లో మళ్లీ థియేటర్ల బంద్ ?
వకీల్ సాబ్ సినిమాలో పవన్ తెలంగాణ యాసకు కారణం ఇదే..