న్యూఢిల్లీ: ప్రభుత్వరంగ సంస్థ ఇండియన్ ఆయిల్ కార్పొరేషన్ లిమిటెడ్ (ఐవోసీఎల్) వివిధ విభాగాల్లో ఖాళీగా ఉన్న జూనియర్ ఇంజినీరింగ్ అసిస్టెంట్ పోస్టుల భర్తీకి నోటిఫికేషన్ విడుదల చేసింది. అర్హత కలిగినవారు వచ్చే నెల 12 లోపు ఆన్లైన్లో దరఖాస్తు చేసుకోవాలని సూచించింది. ఈ నోటిఫికేషన్ ద్వారా మొత్తం 513 ఉద్యోగాలను భర్తీ చేస్తున్నది. రాతపరీక్ష, ట్రేడ్ టెస్టు ద్వారా అభ్యర్థులను ఎంపిక చేయనుంది.
మొత్తం పోస్టులు: 513
ఇందులో జూనియర్ ఇంజినీరింగ్ అసిస్టెంట్ ప్రొడక్షన్ 296, పీ అండ్ యూ 35, ఎలక్ట్రికల్ 65, మెకానికల్ 32, ఇన్స్ట్రుమెంటేషన్ 37, ఫైర్ అండ్ సేఫ్టీ 14, జూనియర్ క్వాలిటీ కంట్రోల్ అనలిస్ట్ 29, జూనియర్ మెటీరియల్స్ అసిస్టెంట్ 4, జూనియర్ నర్సింగ్ అసిస్టెంట్ 1 చొప్పున ఖాళీలు ఉన్నాయి.
అర్హతలు: సంబంధిత ట్రేడ్లో మూడేండ్ల డిప్లొమా, బీఎస్సీ ఫిజిక్స్, కెమిస్ట్రీ, బీఎస్సీ నర్సింగ్ పూర్తిచేయాలి. అభ్యర్థులు 18 నుంచి 26 ఏండ్ల మధ్య వయస్సు కలిగినవారై ఉండాలి.
ఎంపిక ప్రక్రియ: రాతపరీక్ష, ఇంటర్వ్యూ ద్వారా
దరఖాస్తు విధానం: ఆన్లైన్లో
అప్లికేషన్ ఫీజు: రూ.150, ఎస్సీ, ఎస్టీ, పీడబ్ల్యూడీ అభ్యర్థులకు ఫీజు లేదు.
దరఖాస్తులకు చివరితేదీ: అక్టోబర్ 12
వెబ్సైట్: https://www.iocrefrecruit.in/