యోచనజేసి తా యోద్ధగా కదలును
కదిలించు జనులను కరములెత్త
మాటయే మంత్రమై బాటలో నిలుపును
పథకాలు ఫలమొంద పనులసేయు
తెలగాణ యాసతో తెలగాణ పోరును
నడిపించెనాతడు బిడియపడక
ధైర్యమే తనరక్ష తలపులే కలలుగా
శక్తితో సేయును సాధనలను
ముఖ్యమంత్రిగా వెలుగగా భువిని తాను
తల్లి తెలగాణ దీవించె సల్లగుండ
కల్వకుంట్ల సువంశము ఘనతనొందె
చంద్రశేఖరరావును జగతి మెచ్చె
అన్నదాతల కంట కన్నీరునాపిన
రాష్ట్ర నేతయతడు రైతుబంధు
ఆసరా పింఛను లాశ్రయంబందించి
వృద్ధులకానంద వృద్ధిజేసి
కల్యాణలక్ష్మితో కల్యాణకాంతులు
షాదీముబారకు సంబరములు
మిషను భగీరథ మేలును జేయగా
నీటినియందించె మేటిగాను
మిషను కాకతీయ కర్షకునికి తృప్తి
పంటతో సంపద వైభవములు
భూముల సంపద బీమాల వరముతో
సంపద కాపాడె శక్తికలిగి
విద్యుత్తునందించి వృద్ధిని జూపించె
వ్యవసాయములందు నద్భుతముగ
కంటిజూపులు పోయి కలలు శూన్యంబైన
వారికి నిధులిచ్చి పథము జూపి
భర్త లేనట్టి మహిళకు బాధ్యతగను
అన్న నేనుంటినని జెప్పి మన్ననిచ్చి
ఆదరమ్మున పింఛనామోదమిచ్చి
ముఖ్యమంత్రిగా కేసీఆర్ భువిని వెలిగె
–మల్లావఝల చంద్రశేఖర్ శర్మ
93464 20959