ఘనంగా క్రిస్మస్‌ యూత్‌ ఫంక్షన్‌

నిజామాబాద్‌ రూరల్‌ : నగరంలోని వినాయక్‌నగర్‌లో ఉన్న ఫేత్‌ బాప్టిస్ట్‌ చర్చిలో శనివారం సాయంత్రం యూనియన్‌ ఆఫ్‌ ఇవాంజెలికల్‌ స్టూడెంట్స్‌ ఆఫ్‌ ఇండియా (స్టూడెంట్స్‌ మినిస్ట్రీ) ఆధ్వర్యంలో క్రిస్మస్‌ యూత్‌ ఫంక్షన్‌ను ఘనంగా నిర్వహించారు. ఈ సందర్భంగా యువతులు, బాలికల సాంస్కృతిక ప్రదర్శనలు ఆహూతులను అలరించాయి. పాస్టర్స్‌ అసోసియేషన్‌ జిల్లా అధ్యక్షుడు, ఫేత్‌ బాప్టిస్ట్‌ చర్చి పాస్టర్‌ అబ్రహం మాట్లాడుతూ యువతీయువకులు సన్మార్గంలో నడిచేందుకు యేసుప్రభు బోధనలు దోహదపడుతాయన్నారు. దురలవాట్లకు దూరంగా ఉంటూ సమాజాభివృద్ధిలో భాగస్వాములు కావాలని సూచించారు.