శుక్రవారం 05 జూన్ 2020
Nizamabad - Jan 15, 2020 , 02:08:57

తన్నుకున్నారు !

తన్నుకున్నారు !

కామారెడ్డి జిల్లా ప్రతినిధి, నమస్తే తెలంగాణ : పురపాలక ఎన్నికల్లో నామినేషన్ల ఉపసంహరణకు చివరి రోజైన మంగళవారం తీవ్ర ఉద్రిక్తతలకు దారి తీసింది. పలు పార్టీల నుంచి ఆశావహులు భారీగా తరలిరావడం తో మున్సిపల్‌ కార్యాలయం సందడి మారింది. ఉద యం నుంచి బారులు తీరిన ఔత్సాహికులతో ప్రాం గణం కిక్కిరిసింది. ప్రధానంగా టీఆర్‌ఎస్‌, కాంగ్రెస్‌, బీజేపీ నుంచి పెద్ద ఎత్తున కార్యకర్తలు, ముఖ్య నాయకులంతా మున్సిపల్‌ కార్యాలయానికి చేరుకుని టికెట్ల అంశాన్ని కొలిక్కి తీసుకువచ్చారు. గడువు సమయం దగ్గర పడిన సమయంలో పరిస్థితి కాస్తా ఉద్రిక్తతలకు దారి తీసింది. అధికార పార్టీ టీఆర్‌ఎస్‌లో అసంతృప్తి నేతలంతా ముఖ్య నాయకుల ఆదేశాలను శిరసావహించారు. తమ నామినేషన్లను వెనక్కి తీసుకుని పార్టీ సూ చించిన వ్యక్తుల గెలుపునకు కృషి చేసేందుకు సిద్ధమయ్యారు. టీఆర్‌ఎస్‌ ఆశావహులంతా క్రమశిక్షణతో మెలగగా జాతీయ పార్టీలైనటువంటి కాంగ్రెస్‌, బీజేపీలో మాత్రం క్రమశిక్షణ ఎప్పటిలాగే పూర్తిగా గాడి తప్పి త న్నులాటకు దారి తీసింది. తమ నాయకులనే బజారు లో కొట్టే వరకూ చేరిందంటే పరిస్థితిని అర్థం చేసుకోవచ్చు. ముఖ్యమైన పార్టీలకు చెందిన కార్యకర్తల ఆందోళనతో మున్సిపాలిటీ రణరంగమైంది.

మారుమోగిన షబ్బీర్‌ అలీ డౌన్‌ డౌన్‌ నినాదాలు

మధ్యాహ్నం ఒంటి గంట తర్వాత బీ-ఫారాలు చేతికి అందకపోవడంతో కాంగ్రెస్‌ ఆశావహులంతా అవాక్క య్యా రు. అప్పటి వరకూ టికెట్లు ఇస్తామంటూ చెప్పిన నాయకులే వేరే వారికి బీ-ఫారాలు ఇవ్వడంతో ఆగ్రహంతో నాయకులంతా ఊగిపోయారు. ఇదేమని అడిగితే స్పం దించేవారు లేరు. ఫోన్లు చేస్తే స్విచ్ఛాఫ్‌ రావడంతో ము న్సిపల్‌ కార్యాలయం ముందే అంతా కలిసి ఆందోళన చేశారు. షబ్బీర్‌ అలీ డౌన్‌ డౌన్‌, నయీం డౌన్‌ డౌన్‌ అం టూ పెద్ద ఎత్తున నినాదాలు చేశారు. డీసీసీ అధ్యక్షుడు కైలాస్‌ శ్రీనివాస్‌ స్వయంగా పైసల్‌ తీసుకుని బీ-ఫారా లు అందజేశారంటూ పలువురు నాయకులు ఆరోపించారు. పార్టీలో కష్టపడిన వారికి స్థానం లేకుండా చేస్తున్నారని తీవ్ర స్థాయిలో ఆగ్రహం వ్యక్తం చేశారు. కాం గ్రెస్‌ పార్టీ అంటే షబ్బీర్‌ అలీ, ఆయన తమ్ముడు న యీం, కైలాస్‌ శ్రీనివాస్‌లు తమ కుటుంబ పార్టీగా ఫీలవుతున్నారని సామాన్య కార్యకర్తలను మెడ పట్టి బయటకు గెంటుతున్నారని విమర్శించారు. కామారెడ్డి పట్టణంలో మత రాజకీయాలు, కుల రాజకీయాలు నడుపు తూ కాంగ్రెస్‌ పార్టీని పూర్తిగా నాశనం చేస్తున్న వ్యక్తి షబ్బీ ర్‌ అలీ, ఆయన తమ్ముడు నయీంలేనని కాంగ్రెస్‌ నా యకులు మల్లేశ్‌ యాదవ్‌, కన్నయ్యలు దుయ్యబట్టారు.

బాణాల లక్ష్మారెడ్డి ఓ బ్రోకర్‌...

బీజేపీ పార్టీలో అసంతృప్తి జ్వాలలు మున్సిపాలిటీ ఎన్నికల సాక్షిగా భగ్గుమన్నాయి. గడిచిన ఏడాది కాలంగా ముదురుకుంటున్న విభేదాలు మంగళవారం మున్సిపల్‌ కార్యాలయంలో బయటపడ్డాయి. బీజేపీ రాష్ట్ర కా ర్యవర్గ సభ్యుడు కాటిపల్లి వెంకటరమణారెడ్డి, బీజేపీ జిల్లా అధ్యక్షుడు బాణాల లక్ష్మారెడ్డిలు తమకు ద్రోహం చేశారంటూ రెండు వర్గాలుగా చీలిపోయిన బీజేపీ నేత లు పెద్ద ఎత్తున వ్యతిరేక నినాదాలు చేశారు. అంతటితో ఆగకుండా రూ.లక్షలకు కౌన్సిలర్‌ టికెట్లను అమ్ముకున్నారంటూ ఆరోపణలు చేశారు. బీ-ఫారాల పేరిట బీజే పీ అధ్యక్షుడు బాణాల లక్ష్మారెడ్డి పలుమార్లు మున్సిపాలిటీ కార్యాలయంలోకి వెళ్లి రావడం కార్యకర్తలకు అయోమయానికి గురి చేసింది. ఎవరికి ఇచ్చారో? ఎవరికి ఇవ్వలేదో సమాచారం తెలియకపోవడంతో గందరగోళం నెలకొంది. సమయం అయిపోయిన తర్వాత కొంత మంది చేతికి బీ-ఫారాలు అందివ్వడం వెనుక కుట్ర దాగి ఉందంటూ ముఖ్య నాయకులపై బీజేపీ శ్రే ణులు మండిపడ్డారు. నామినేషన్ల ప్రక్రియకు సమయం అయిపోయాక కౌన్సిల్‌ నుంచి బయటకు వచ్చిన బాణా ల లక్ష్మారెడ్డిని వెంబడిస్తూ కార్యకర్తలు పిడిగుద్దులు గుద్దారు. కొందరైతే మీద పడి చొక్కా పట్టుకుని లాగే ప్రయత్నం చేశారు. తీవ్ర తోపులాట మధ్య కిందపడిపోతుండగా పోలీసులు రంగ ప్రవేశం చేసి బీజేపీ శ్రేణుల ను చెదరగొట్టారు. ఉద్రిక్త పరిస్థితుల మధ్య పరుగులు తీసిన బాణాల లక్ష్మారెడ్డి మున్సిపల్‌ కార్యాలయం లోపలికి వెళ్లి తల దాచుకున్నారు. రోడ్డుపైనా ఆందోళన చేసిన కాషాయ పార్టీ కార్యకర్తలంతా బాణాల కోసం ఎదురు చూడగా పోలీసులు వారిని సుదూరానికి తరమడంతో గంటన్నర తర్వాత బీజేపీ జిల్లా అధ్యక్షుడు వేరే మార్గం గుండా పలాయనం చిత్తగించడం కొసమెరుపు.



logo