భైంసాను అన్ని రంగాల్లో అభివృద్ధి చేస్తాం

• ముథోల్‌ ఎమ్మెల్యే విఠల్‌ రెడ్డి
  
• సెంట్రల్‌ లైటింగ్‌ సిస్టమ్‌ ప్రారంభం 

భైంసా, జనవరి 7:  భైంసా పట్టణాన్ని అన్ని రంగాల్లో అభివృద్ధి చేస్తామని ముథోల్‌ ఎమ్మెల్యే విఠల్‌ రెడ్డి అన్నారు. పట్టణంలోని సెంట్రల్‌ లైటింగ్‌ సిస్టమ్‌ను గురువారం రాత్రి ప్రారంభించారు. ఈ సందర్భంగా ఆయన మాట్లాడారు. భైంసాలో సుమారు రూ. 12 కోట్లతో అభివృద్ధి పనులు కొనసాగుతున్నాయన్నారు. ప్రధానంగా రోడ్లు, మురికి కాలువలు తదితర పనులు కొనసాగుతున్నాయని చెప్పారు. అనంతరం ఎమ్మెల్యే విఠల్‌ రెడ్డి, కలెక్టర్‌ ముషారఫ్‌ అలీ ఫారూఖీ, జాయింట్‌ కలెక్టర్‌ హేమంత్‌ బోర్కడేను భైంసా మార్కెట్‌ కమిటీ చైర్మన్‌ కృష్ణ సత్కరించారు. కార్యక్రమంలో  మున్సిపల్‌ వైస్‌ చైర్మన్‌ జాబీర్‌ హైమద్‌, ఆర్డీవో రాజు, కమిషనర్‌ ఖదీర్‌, టీఆర్‌ఎస్‌ సీనియర్‌ నాయకులు బామ్ని రాజన్న, పోతారెడ్డి, కౌన్సిలర్‌ తోట విజయ్‌,తోట రాము, ఫారుఖ్‌,నాయకులు తదితరులున్నారు.