శుక్రవారం 15 జనవరి 2021
Nirmal - Dec 30, 2020 , 02:13:11

‘ఆత్మనిర్భర్‌'లో నిర్మల్‌ టాప్‌

‘ఆత్మనిర్భర్‌'లో నిర్మల్‌ టాప్‌

  • దేశంలోనే మొదటిస్థానంలో నిలిచిన మున్సిపాలిటీ
  • లక్ష జనాభాలోపు పట్టణాల విభాగంలో ప్రథమం
  • 80.94శాతం చిరు వ్యాపారులకు రుణ వితరణ

నిర్మల్‌ అర్బన్‌: కొవిడ్‌ - 19 కారణంగా ఉపాధి కోల్పోయిన వీధి వ్యాపారులను ఆర్థికంగా ఆదుకునేందుకు కేంద్ర, రాష్ట్ర ప్రభుత్వాలు ఆత్మనిర్భర్‌, పీఎం స్వనిధి పథకం ద్వారా రూ. 10 వేలు రుణంగా అందిస్తున్నాయి. లక్ష జనాభా లోపు ఉన్న పట్టణాల్లో రుణ మంజూరులో నిర్మల్‌ మున్సిపాలిటీ దేశంలోనే ప్రథమ స్థానం దక్కించుకుందని జిల్లా మెప్మా కో ఆర్డినేటర్‌ శ్రీనివాస్‌ తెలిపారు. నిర్మల్‌ మున్సిపాలిటీలో రుణ మంజూ రు కోసం 5798 మందిని గుర్తించగా, 5130 మంది పట్టణంలోని 22 బ్యాంక్‌ బ్రాంచీల ద్వారా ఆన్‌లైన్‌లో దరఖాస్తు చేసుకున్నారు. ఇందులో 4604 మంది లబ్ధి దారులను అర్హులుగా గుర్తించగా, 4150 మందికి రూ.10 వేల చొప్పున రుణాలను అందించారు. దీంతో 80.94 శాతంతో ప్రథమ స్థానంలో నిలిచారు. లబ్ధిదారులను గుర్తించి వేగంగా రుణ మంజూరుకు కృషి చేసిన మెప్మా సిబ్బందిని మున్సిపల్‌ చైర్మన్‌ ఈశ్వర్‌, కమిషనర్‌ బాలకృష్ణ అభినందించారు.

 ఏఆర్‌ సిబ్బందికి పరీక్షలు 

హాజీపూర్‌ : సీపీ సత్యనారాయణ ఆదేశాల మేరకు డీసీపీ అడ్మిన్‌ అశోక్‌ కుమార్‌, ఏఆర్‌ అడిషనల్‌ డీసీపీ సంజీవ్‌ పర్యవేక్షణలో ఏఆర్‌ సిబ్బందికి మంగళవారం డ్రైవింగ్‌ పరీక్షలు నిర్వహించారు. డ్రైవింగ్‌ లైసెన్స్‌లు పరిశీలించి ఎంపిక చేశారు.