మౌలిక సదుపాయాల కల్పనకు కృషి

•  రాష్ట్ర అటవీ, పర్యావరణ శాఖ మంత్రి అల్లోల ఇంద్రకరణ్‌రెడ్డి

సోన్‌ : గ్రామాల్లో మౌలిక సదుపాయాల కల్పనకు తెలంగాణ ప్రభుత్వం కృషి చేస్తున్నదని రాష్ట్ర అటవీ, పర్యావరణ, న్యాయ, దేవాదాయశాఖ మంత్రి అల్లోల ఇంద్రకరణ్‌రెడ్డి అన్నారు. సోన్‌ మండలంలోని మాదాపూర్‌ గ్రామం వద్ద స్వర్ణ వాగుపై నూతనంగా నిర్మించే బ్రిడ్జి నిర్మాణ పనులకు ఆదివారం భూమిపూజ చేశారు. రూ.2 కోట్ల 70లక్షల నిధులతో ఈ బ్రిడ్జి నిర్మాణాన్ని చేపట్టనున్నట్లు తెలిపారు. 20 యేండ్ల క్రితం స్వర్ణవాగుపై బ్రిడ్జి నిర్మాణాన్ని చేపట్టగా.. అది శిథిలావస్థకు చేరుకోవడం, ఎత్తు తక్కువగా ఉండడం, వరదలు వచ్చినప్పుడు ఇబ్బందులు తలెత్తడంతో కొత్త బ్రిడ్జి నిర్మాణం చేపడుతున్నట్లు పేర్కొన్నారు. నిర్మల్‌ నియోజకవర్గంలోని అన్ని గ్రామాల్లో ప్రజల మౌలిక అవసరాలను తీర్చేందుకు ప్రభుత్వం కృషి చేస్తున్నదని తెలిపారు. రహదారుల నిర్మాణం, బ్రిడ్జిల నిర్మా ణం చేపడుతున్నట్లు పేర్కొన్నారు.

 కార్యక్రమంలో టీఆర్‌ఎస్‌ రాష్ట్ర కార్యదర్శి వి.సత్యనారాయణగౌడ్‌, మాజీ ఎమ్మెల్యే నల్లా ఇంద్రకరణ్‌రెడ్డి, డీసీసీబీ మాజీ  చైర్మన్‌ రాంకిషన్‌రెడ్డి, జడ్పీటీసీ జీవన్‌రెడ్డి, పీఏసీఎస్‌ చైర్మన్‌ అంపోలి కృష్ణప్రసాద్‌రెడ్డి, సోన్‌ మండల కన్వీనర్‌ మోహినొద్దీన్‌, సర్పంచ్‌ రాంనర్సింహారెడ్డి, సోన్‌ సర్పంచ్‌ వినోద్‌, తదితరులు పాల్గొన్నారు.