శనివారం 16 జనవరి 2021
Nirmal - Jul 24, 2020 , 23:38:44

హరితహారం పకడ్బందీగా చేపట్టాలి

హరితహారం పకడ్బందీగా చేపట్టాలి

నిర్మల్‌ అర్బన్‌ : హరితహారం కార్యక్రమాన్ని పకడ్బందీగా చేపట్టాలని కలెక్టర్‌ ముషారఫ్‌ అలీ ఫారూఖీ అధికారులను ఆదేశించారు. కలెక్టరేట్‌ సమావేశ మందిరంలో హరితహారం అమలుపై జిల్లా అధికారులతో శుక్రవారం సమీక్షా సమావేశం నిర్వహించారు. జిల్లాలో హరితహారం కార్యక్రమాన్ని ముమ్మరంగా చేపట్టేందుకు ప్రత్యేక చర్యలు తీసుకోవాలని పేర్కొ న్నారు. శాఖల వారీగా నిర్దేశించిన లక్ష్యం మేరకు మొక్కలు నాటి సంరక్షించాలన్నారు. అధికారులు సమన్వయంతో ఆరో విడుత హరితహారంలో జిల్లా లక్ష్యం పూర్తి చేసేందుకు కృషి చేయాలని సూచించారు. ప్రతిరోజూ శాఖల వారీగా నాటిన మొక్కల వివరాలను ఆన్‌లైన్‌లో నమోదు చేయాలని, ఆగస్టు 10 నాటికి అన్నిశాఖల లక్ష్యం పూర్తికావాలని ఆదేశించారు. సమావేశంలో అటవీ శాఖ అధికారి సుధాన్‌, ఏఎస్పీ రాంరెడ్డి, డీఆర్డీవో వెంకటేశ్వర్లు, జిల్లా ఉద్యానవన శాఖ అధికారి శరత్‌కుమార్‌, ఏడీ మార్కెటింగ్‌ శ్రీనివాస్‌, ఎస్సీ అభివృద్ధి అధికారి కిషన్‌, ఆర్డీవోలు ప్రసునాంబ, రాజు, ఇతర శాఖల అధికారులు, తదితరులు పాల్గొన్నారు.