బెంగళూర్ : వైన్ హోం డెలివరీ కోసం గూగుల్లో సెర్చి చేసి ఆపై ఆర్డర్ ఇచ్చిన మహిళకు వైన్ రాకపోగా ఆమె ఖాతా నుంచి ఏకంగా రూ 1.6 లక్షలను సైబర్ క్రిమినల్స్ లూటీ చేసిన ఘటన బెంగళూర్లో వెలుగుచూసింది. వైట్ఫీల్డ్లో 25 ఏండ్ల ఆంచల్ ఖండేల్వాల్ ఇటీవల ఆన్లైన్లో వైన్కు ఆర్డర్ ఇవ్వగా క్యూఆర్ కోడ్ స్కామ్లో భారీ మొత్తం చేజార్చుకుంది. వైన్ను విక్రయించి హోం డెలివరీ చేసే వారి కోసం గూగుల్లో ఆమె వెతగ్గా రణ్వీర్ సింగ్ అనే వ్యక్తి ఆమె కోరుకున్న వైన్ను తాను సరఫరా చేస్తానని ఫోన్లో నమ్మబలికాడు.
ఆన్లైన్లో అడ్వాన్స్ చెల్లించగానే నేరుగా ఆమె ఫ్లాట్కి వైన్ బాటిల్ను డెలివరీ చేస్తామని చెప్పాడు. ఆపై ఆంచల్కు క్యూఆర్ కోడ్ను పంపి వైన్కు అడ్వాన్స్ చెల్లించాలని కోరారు. కోడ్ను స్కాన్ చేసిన వెంటనే పేమెంట్ పూర్తయింది. అయితే తనకు పేమెంట్ రాలేదని సింగ్ చెప్పడంతో ఆమె పలుమార్లు కోడ్ను స్కాన్ చేసింది. దీంతో మొత్తం ఐదు సార్లుగా రూ 1,59,595 సింగ్ ఖాతాలోకి చేరింది. ఆపై వైన్ కోసం ఆమె ఎదురుచూసినా వైన్ బాటిల్ ఇంటికి చేరలేదు. వారం రోజుల తర్వాత తాను మోసపోయానని గుర్తించిన ఆంచల్ వైట్ఫీల్డ్ పోలీసులను ఆశ్రయించారు. మహిళ ఫిర్యాదుతో ఆమెను మోసం చేసిన రణ్వీర్ సింగ్, రాహుల్పై కేసు నమోదు చేశారు. కాగా బాధిత మహిళ మోసపోయిన వెంటనే ఫిర్యాదు చేస్తే నిందితుడి బ్యాంక్ ఖాతాను నిలిపివేసేవారమని ఆమె ఫిర్యాదు చేయడంలో తీవ్ర జాప్యం చేశారని పోలీసులు పేర్కొన్నారు.