న్యూఢిల్లీ: ఒక పిల్లిని పిచ్చుక ఫూల్ చేసింది. ఏప్రిల్ 1 ఫూల్స్ డే నేపథ్యంలో ఈ వీడియో వైరల్ అయ్యింది. ఐఎఫ్ఎస్ అధికారి సుశాంత నంద ఏప్రిల్ 1 సందర్భంగా ట్విట్టర్లో గురువారం ఒక వీడియో పోస్ట్ చేశారు. అందులో ఒక పిచ్చుక చనిపోయినట్లుగా నేలపై పడి ఉంటుంది. ఒక పిల్లి దానితో ఆటలాడుతుంది. ఇంతలో ఆ పిచ్చుక ఒక్కసారిగా రెక్కలు విదుల్చుకుని ఎగిరిపోతుంది. ఉలిక్కిపడి తేరుకున్న పిల్లి ఆ పిచ్చుకను పట్టుకునేందుకు ప్రయత్నించి విఫలమవుతుంది. ఈ వీడియోకు ‘ఏప్రిల్ ఫూల్’ అని ఆయన క్యాప్షన్ పెట్టారు.
కాగా, ఐఎఫ్ఎస్ అధికారి సుశాంత నంద పోస్ట్ చేసిన ఈ వీడియో సామాజిక మాధ్యమాల్లో వైరల్ అయ్యింది. పిల్లిని ఫూల్ చేసిన పిచ్చుక వీడియో నెటిజన్లకు నవ్వులు పూయించింది. మానవుల కంటే పిచ్చుకలు ఇంత తెలివిగా వ్యవహరిస్తాయా అని ఒకరు సందేహం వ్యక్తం చేశారు. ఫూల్ అయిన పిల్లి పట్ల కొందరు సానుభూతి వ్యక్తం చేశారు.