ముంబై: ప్రభుత్వ రంగ సంస్థ అయిన రాష్ట్రీయ కెమికల్స్ అండ్ ఫెర్టిలైజర్స్ లిమిటెడ్ (ఆర్సీఎఫ్ఎల్) వివిధ విభాగాల్లో అప్రెంటిస్ ట్రైనీ పోస్టుల భర్తీకి దరఖాస్తులను ఆహ్వానిస్తున్నది. ఆసక్తి, అర్హత కలిగినవారు ఆన్లైన్లో అప్లయ్ చేసుకోవాలని సూచించింది. ఆన్లైన్ దరఖాస్తులు వచ్చే నెల 7 వరకు అందుబాటులో ఉంటాయని తెలిపింది. ఈ నోటిఫికేషన్ ద్వారా 2021-22 అకడమిక్ ఇయర్కుగాను 104 అప్రెంటిస్షిప్లను అందిస్తున్నది. ఇందులో ల్యాబ్ టెక్నీషియన్, అకౌంట్ ఎగ్జిక్యూటివ్, రిక్రూట్మెంట్ ఎగ్జిక్యూటివ్, డిప్లొమా టెక్నీషియన్ పోస్టులు ఉన్నాయి. ఎలాంటి రాతపరీక్ష లేకుండా, అకడమిక్స్లో సాధించిన స్కోర్ ఆధారంగా అభ్యర్థులను ఎంపిక చేస్తారు. శిక్షణ కాలం ఏడాదిపాటు ఉంటుంది.
మొత్తం అప్రెంటిస్లు: 104
ఇందులో హెచ్ఆర్ (రిక్రూట్మెంట్ ఎగ్జిక్యూటివ్) ట్రైనీ 10, ఏఓసీపీ ట్రైనీ 60, అకౌంట్స్ ఎగ్జిక్యూటివ్ ట్రైనీ 10, మెడికల్ ల్యాబ్ (పాథాలజీ) ట్రైనీ 5, డిప్లొమా 19 (కెమికల్ 4, కంప్యూటర్ 5, ఎలక్ట్రికల్ 5, మెకానికల్ 5) చొప్పున ఖాళీలు ఉన్నాయి.
అర్హతలు: హెచ్ఆర్ ట్రైనీ ట్రేడ్కు డిగ్రీ ఉత్తీర్ణులై ఇంగ్లిష్లో పరిజ్ఞానం ఉండాలి. ఏఓసీపీ ట్రేడ్కు బీఎస్సీ కెమిస్ట్రీ, అకౌంట్స్ ఎగ్జిక్యూటివ్కు బీకామ్, బీబీఏ, ఎకనమిక్స్లో డిగ్రీ, ల్యాబ్టెక్నీషియన్కు హెచ్ఎస్సీ, డిప్లొమా ట్రేడ్లకు సంబంధిత ట్రేడ్లో డిప్లొమా చేయాలి. అభ్యర్థులు 18 నుంచి 25 ఏండ్ల మధ్య వయస్సు కలిగి ఉండాలి.
శిక్షణా కాలం: 12 నెలలు
ఎంపిక ప్రక్రియ: దరఖాస్తులో పేర్కొన్న అకడమిక్ మార్కుల ఆధారంగా
దరఖాస్తు విధానం: ఆన్లైన్లో
దరఖాస్తులు ప్రారంభం: జూలై 31
దరఖాస్తులకు చివరితేదీ: ఆగస్టు 7
వెబ్సైట్: https://www.rcfltd.com/